ഇന്ത്യയും ഓസ്ട്രേലിയയും തമ്മില് നടന്ന ഏകദിന പരമ്പരയിലെ അവസാന മത്സരത്തില് പരിക്കേറ്റ ശ്രേയസ് അയ്യരിന് മൂന്ന് ആഴ്ചത്തെ വിശ്രമം വേണ്ടിവരുമെന്ന് റിപ്പോര്ട്ട്. കഴിഞ്ഞ ദിവസം നടന്ന മൂന്നാം ഏകദിനത്തിലാണ് താരത്തിന് പരിക്കേറ്റത്. ഓസീസ് വിക്കറ്റ് കീപ്പര് അലക്സ് കാരിയെ പുറത്താക്കാന് ക്യാച്ച് എടുക്കുന്നതിടെനെയാണ് അയ്യര്ക്ക് ഇടത് വാരിയെല്ലിന് പരിക്ക് പറ്റിയത്.
34ാം ഓവറില് കാരിയെ പുറത്താക്കാന് ശ്രേയസ് 12.75 മീറ്റര് ഓടിയാണ് പന്ത് കൈപ്പിടിയില് ഒതുക്കിയത്. ക്യാച്ചിനിടെ നിലത്ത് വീണപ്പോഴാണ് താരത്തിന് പരിക്കേല്ക്കുന്നത്. മത്സരത്തിനിടെ തന്നെ താരത്തെ കൂടുതല് വിലയിരുത്തലുകള്ക്കായി ആശുപത്രിയില് പ്രവേശിപ്പിച്ചിരുന്നു. എന്നാല്, പരിക്കിന്റെ വ്യാപ്തിയെ കുറിച്ച് കൂടുതല് വിവരങ്ങള് ലഭ്യമല്ല.
അതിനാല് തന്നെ സൗത്ത് ആഫ്രിക്കക്കെതിരെയുള്ള ഏകദിന പരമ്പരയില് കളിക്കുമോയെന്ന കാര്യത്തില് അനിശ്ചിത്വത്തിലാണ്. പരിക്ക് ഗുരുതരമാണെങ്കില് താരത്തിന് കൂടുതല് കാലം കാലത്തിന് പുറത്തിരിക്കേണ്ടി വരുമെന്നാണ് വിവരം.
‘മത്സരത്തിനിടെ തന്നെ ശ്രേയസിനെ പരിശോധനകള്ക്കായി ആശുപതിയില് പ്രവേശിപ്പിച്ചുട്ടുണ്ട്. താരത്തിന് ഒരു ജെര്ക്ക് സംഭവിച്ചിട്ടുണ്ടെന്നാണ് പ്രാഥമിക വിലയിരുത്തല്. കുറഞ്ഞത് മൂന്ന് ആഴ്ചയെങ്കിലും വിശ്രമം ആവശ്യമാണ്. തിരിച്ചെത്തിയാല് സെന്റര് ഓഫ് എക്സലന്സില് റിപ്പോര്ട്ട് ചെയ്യേണ്ടി വരും.
പരിക്കിന്റെ കൃത്യമായ സ്വഭാവവും അദ്ദേഹത്തിന് സുഖം പ്രാപിക്കാന് ആവശ്യമായ ആകെ സമയവും സ്ഥിരീകരിക്കുന്നതിന് വിശദമായ റിപ്പോര്ട്ടുകള്ക്കായി ഞങ്ങള് കാത്തിരിക്കുകയാണ്. പരിക്ക് ഗുരുതരമാണെങ്കില് കൂടുതല് കാലം വിട്ടുനില്ക്കേണ്ടി വന്നേക്കാം.
ശ്രേയസ് സൗത്ത് ആഫ്രിക്കക്കെതിരെയുള്ള പരമ്പരയില് കളിക്കുമോയെന്ന പറയാനായിട്ടില്ല. മൂന്ന് ആഴ്ചത്തെ വിശ്രമം മാത്രമാണ് വേണ്ടതെങ്കില് താരം ടീമില് ഉണ്ടായേക്കാം ,’ ബി.സി.സി.ഐ വൃത്തങ്ങളെ ഉദ്ധരിച്ച് പി.ടി.ഐ റിപ്പോര്ട്ട് ചെയ്തു.
നവംബര് 30 മുതലാണ് സൗത്ത് ആഫ്രിക്കക്കുമായുള്ള ഏകദിന പരമ്പര ഷെഡ്യൂള് ചെയ്തിരിക്കുന്നത്. മൂന്ന് മത്സരങ്ങളുള്ള പരമ്പര ഡിസംബര് ആറ് വരെയാണ് നടക്കുക. ഇന്ത്യയിലെ റാഞ്ചി, റായ്പൂര്, വിശാഖപട്ടണം എന്നിവയാണ് മത്സരത്തിന് വേദിയാവുന്നത്.
Content Highlight: Shreyas Iyer out of action for at least 3 weeks due to injury in third ODI against Australia