മലയാള സിനിമ പ്രേക്ഷകര്, പ്രത്യേകിച്ച് കുടുംബ പ്രേക്ഷകര്ക്ക് പ്രിയപ്പെട്ട സംവിധായകനാണ് സത്യന് അന്തിക്കാട്. കുറുക്കന്റെ കല്യാണത്തിലൂടെ കരിയര് ആരംഭിച്ച അദ്ദേഹം മലയാള സിനിമക്ക് ഒരുപാട് നല്ല സിനിമകള് സമ്മാനിച്ചിട്ടുണ്ട്. ഗാന്ധിനഗര് സെക്കന്റ് സ്ട്രീറ്റ്, സന്മനസുള്ളവര്ക്ക് സമാധാനം, ശ്രീധരന്റെ ഒന്നാം തിരുമുറിവ്, യാത്രക്കാരുടെ ശ്രദ്ധയ്ക്ക്, മനസിനക്കരെ, രസതന്ത്രം മുതലായ അദ്ദേഹത്തിന്റെ നിരവധി ചിത്രങ്ങള് പ്രേക്ഷകര് ഇന്നും ഓര്ത്തിരിക്കുന്നു.
ഇപ്പോള് മോഹന്ലാലിനൊപ്പം ചെയ്യുന്ന സിനിമകളെ കുറിച്ച് സംസാരിക്കുകയാണ് സത്യന് അന്തിക്കാട്. സത്യന് മോഹന്ലാല് കൂട്ടുക്കെട്ടില് പിറന്ന ചിത്രങ്ങളെല്ലാം ജനപ്രിയമാണ്.
‘ഞാന് ലാലിന്റെ താര പരിവേഷത്തെ പറ്റി ചിന്തിക്കാറേയില്ല. ലാല് പണ്ടും എന്റെ കൂട്ടുകാരനാണ് ഇന്നും എന്റെ കൂട്ടുകാരനാണ്. ലാലിന്റെ പെര്ഫോമന്സ് ഏത് രീതിയിലാണെന്ന് എനിക്കറിയാം. ഞാന് ചിന്തിക്കുന്നത് സാധരണക്കാരനായ മോഹന്ലാലിനെയാണ്. അത് ഏത് തരം കഥയിലാണെങ്കിലും
അതിനപ്പുറത്ത പുള്ളിയുടെ ഇമേജും ചെയ്തിട്ടുള്ള കാര്യക്ടേഴ്സിന്റെ വലിപ്പവും നമുക്ക് അറിയാം. എങ്കിലും, അതിലൊന്നും കണ്സേണ് ആവാത്തതുകൊണ്ടാണ് എനിക്ക് ലാലിനെ വെച്ച് എല്ലാ കഥാപാത്രങ്ങളും ചെയ്യാന് കഴിയുന്നത്. പിന്നെ ഞാന് ചെയ്യുമ്പോള് ലാലിനും ഒരു പ്രതീക്ഷയുണ്ട്.
ഈ മോഹന്ലാലിനും മമ്മൂട്ടിക്കുമൊക്കെ സിനിമയോടുള്ള അഭിനവേശം ഇപ്പോഴും നിലിനില്ക്കുന്നത് അവര്ക്ക് ഇപ്പോഴും അഭിനയിച്ച് കൊതി തീര്ന്നിട്ടില്ലാത്തതുകൊണ്ടാണ്. നാല്പ്പത്തേഴ് വര്ഷമായി മോഹന്ലാല് അഭിനയിക്കാന് തുടങ്ങിയിട്ട്. ഈ സിനിമയുടെ സമയത്ത് ലാല് എന്നോട് പറഞ്ഞത് നമുക്കിനി ചെറിയ സബ്ജെക്ടുകള് ചെയ്യാമെന്നാണ്. ഞാന് ചെയ്യുന്നതേ കൊച്ചു സബ്ജെക്ടുകളാണ്,’ സത്യന് അന്തിക്കാട് പറയുന്നു.
Content Highlight: Sathyan Anthikad says he doesn’t think about Mohanlal’s stardom