ഇന്ത്യയും ഇംഗ്ലണ്ടും തമ്മിലുള്ള രണ്ടാം ടി – 20 മത്സരത്തിനായുള്ള കാത്തിരിപ്പ് അവസാനിക്കാന് ഇനി മണിക്കൂറുകള് മാത്രമാണുള്ളത്. ഇന്ന് (ജൂലൈ നാല്) രാത്രി ഏഴ് മണിക്കാണ് മത്സരം അരങ്ങേറുക. ഇംഗ്ലണ്ട് ഓള്ഡ് ട്രാഫോര്ഡ് ക്രിക്കറ്റ് സ്റ്റേഡിയത്തിലാണ് ഈ മത്സരം നടക്കുന്നത്.
പരമ്പരയിലെ ഒന്നാം ടി – 20 മഴ മൂലം ഉപേക്ഷിച്ചിരുന്നു. അതുകൊണ്ട് തന്നെ പരമ്പരയില് ലീഡ് നേടാനായിരിക്കും ഇന്ത്യന് സംഘത്തിന്റെയും ഇംഗ്ലീഷ് പടയുടെയും ലക്ഷ്യം.
ഈ മത്സരത്തിനായി ഇന്ത്യ കളത്തിലിറങ്ങുമ്പോള് കഴിഞ്ഞ മത്സരങ്ങളില് നിരാശപ്പെടുത്തിയ മലയാളി താരം സഞ്ജു സാംസണിന്റെ തിരിച്ചുവരവിന് കൂടിയാണ് ആരാധകര് ആകാംക്ഷയോടെ കാത്തിരിക്കുന്നത്. അതിനാല് തന്നെ വിക്കറ്റ് കീപ്പര് തിളങ്ങുമെന്നാണ് ആരാധകരുടെ പ്രതീക്ഷ.
രണ്ടാം ടി – 20യില് തിളങ്ങിയാല് സഞ്ജുവിന് മുന്നില് ഒരു തകര്പ്പന് നാഴികക്കല്ല് പിന്നിടാനുള്ള അവസരമുണ്ട്. അന്താരാഷ്ട്ര ടി -20യില് 1500 റണ്സെന്ന നേട്ടമാണ് മലയാളി ബാറ്ററെ കാത്തിരിക്കുന്നത്.
ഈ മൈല്സ്റ്റോണിലെത്താന് സഞ്ജുവിന് വേണ്ടത് 95 റണ്സ് മാത്രമാണ്. ടി – 20യില് ഇന്ത്യയ്ക്ക് വേണ്ടി ഇതുവരെ 64 ടി – 20 മത്സരങ്ങളില് നിന്ന് വിക്കറ്റ് കീപ്പര് 1405 റണ്സ് എടുത്തിട്ടുണ്ട്. മൂന്ന് സെഞ്ച്വറിയും ആറ് അര്ധ സെഞ്ച്വറിയുമാണ് താരം ഈ ഫോര്മാറ്റില് ഇന്ത്യയ്ക്ക് വേണ്ടി അടിച്ചത്.
ഇംഗ്ലണ്ടിനെതിരെ 95 റണ്സെടുത്താല് ടി – 20ഐയില് 1500 റണ്സ് നേടുന്ന ഒമ്പതാമത്തെ ഇന്ത്യന് താരമാകാന് സഞ്ജുവിന് സാധിക്കും. രോഹിത് ശര്മ, വിരാട് കോഹ്ലി, സൂര്യകുമാര് യാദവ്, ഹര്ദിക് പാണ്ഡ്യ, കെ. എല്. രാഹുല്, ശിഖര് ധവാന്, എം.എസ്. ധോണി, സുരേഷ് റെയ്ന, അഭിഷേക് ശര്മ എന്നിവരാണ് മുമ്പ് ഈ നേട്ടം സ്വന്തമാക്കിയവര്.
അതേസമയം, ടി – 20 ലോകകപ്പിന് ശേഷം കളിച്ച മൂന്ന് മത്സരത്തിലും സഞ്ജുവിന് തിളങ്ങാന് സാധിച്ചിട്ടില്ല. അയര്ലാന്ഡ് പരമ്പരയില് താരം പാടെ നിരാശപ്പെടുത്തിയിരുന്നു. രണ്ട് മത്സരങ്ങളില് കളിച്ച താരം വെറും അഞ്ച് റണ്സ് മാത്രമാണ് സ്കോര് ചെയ്തത്. ഇംഗ്ലണ്ടിനെതിരെയുള്ള ആദ്യ ടി – 20യില് താരത്തിന്റെ സമ്പാദ്യം ഏഴ് പന്തുകളില് നിന്ന് വെറും ഒരു റണ്സ് മാത്രമാണ്.
Content Highlight: Sanju Samson needs 95 runs to complete 1500 T20I runs