വെസ്റ്റ് ഇന്‍ഡീസിന്റെ ഇന്ത്യന്‍ പര്യടനത്തിലെ ടി-20 പരമ്പരയ്ക്ക് കളമൊരുങ്ങുകയാണ്. ഏഷ്യന്‍ ഗെയിംസിലെ സ്വര്‍ണ മെഡല്‍ നേട്ടത്തിന് ശേഷം വിന്‍ഡീസിനെതിരായ പരമ്പരയും സ്വന്തമാക്കാനാണ് ഇന്ത്യ ലക്ഷ്യം വെക്കുന്നത്. അഞ്ച് മത്സരങ്ങളുടെ പരമ്പരയിലെ ആദ്യ മത്സരം ഒക്ടോബര്‍ ആറിന് ലഖ്‌നൗവില്‍ വെച്ചാണ് നടക്കുന്നത്.
ഈ പരമ്പരയില്‍ ആരാധകര്‍ ആവേശത്തോടെ കാത്തിരിക്കുന്നത് സൂപ്പര്‍ താരം സഞ്ജു സാംസണിന്റെ മികച്ച പ്രകടനത്തിന് വേണ്ടിയാണ്. വിന്‍ഡീസിനെതിരെ തകര്‍ത്തടിച്ചാല്‍ സഞ്ജുവിനെ കാത്തിരിക്കുന്നത് ഒരു സൂപ്പര്‍ മൈല്‍സ്റ്റോണ്‍ നേട്ടമാണ്. ഇതിന് വേണ്ടതാകട്ടെ വെറും ആറ് സിക്സറുകളും.
ഇന്ത്യയ്ക്കായി 100 ടി-20 സിക്സറുകള് നേടുന്ന താരമെന്ന നേട്ടത്തിലേക്കാണ് സഞ്ജു കണ്ണുവെക്കുന്നത്. ഇതുവരെ അഞ്ച് താരങ്ങള്‍ക്ക് മാത്രം ചെന്നെത്താന്‍ സാധിച്ച ചരിത്ര നേട്ടത്തിലെത്താന്‍ വിന്‍ഡീസിനെതിരായ പരമ്പര സഞ്ജുവിന് അവസരമൊരുക്കും. ഈ നേട്ടത്തില്‍ കെ.എല്‍. രാഹുലിനെ മറികടക്കാനും സഞ്ജുവിന് സാധിക്കും.
(താരം – ഇന്നിങ്സ് – സിക്സര്‍ എന്നീ ക്രമത്തില്‍)
രോഹിത് ശര്‍മ – 151 – 205
സൂര്യകുമാര്‍ യാദവ് – 107 – 179
അഭിഷേക് ശര്‍മ – 61 – 126
ഹര്‍ദിക് പാണ്ഡ്യ – 109 – 126
വിരാട് കോഹ്‌ലി – 117 – 124
കെ.എല്‍. രാഹുല്‍ – 68 – 99
സഞ്ജു സാംസണ്‍ – 64 – 94
തിലക് വര്‍മ – 62 – 87
ഇഷാന്‍ കിഷന്‍ – 61 – 85
ഏഷ്യന്‍ ഗെയിംസില്‍ ഓപ്പണിങ് സ്ലോട്ടില്‍ നിന്ന് മാറി വണ്‍ ഡൗണായാണ് സഞ്ജു കളത്തിലിറങ്ങിയത്. എന്നാല്‍ മികച്ച പ്രകടനം നടത്താന്‍ താരത്തിന് സാധിച്ചിരുന്നില്ല. ശ്രീലങ്കയ്‌ക്കെതിരായ സെമി ഫൈനല്‍ മത്സരത്തില്‍ ഏഴ് റണ്‍സും ഫൈനലില്‍ രണ്ട് റണ്‍സുമായിരുന്നു സഞ്ജു നേടിയത്.
അതേസമയം ലോകകപ്പിലെ വെടിക്കെട്ട് പ്രകടനത്തിന് ശേഷം തിളങ്ങാന്‍ സാധിക്കാതെ പോയ സഞ്ജു അഫ്ഗാനിസ്താനെതിരായ മത്സരത്തിലാണ് മിന്നും തിരിച്ചപവരവ് നടത്തിയത്. ബാക് ടു ബാക് ഫ്ഫ്റ്റി നേടിയാണ് സഞ്ജു തിളങ്ങിയത്.
Content Highlight: Sanju Samson Need Six Sixers To Achieve Great Record In International T-20