ഓസ്ട്രേലിയക്കെതിരായ അഞ്ച് ടി-20 മത്സരങ്ങള് അടങ്ങുന്ന പരമ്പരയ്ക്കായുള്ള കാത്തിരിപ്പിലാണ് ഇന്ത്യന് ആരാധകര്. നാളെയാണ് ടി-20 പരമ്പര (ഒക്ടോബര് 29) ആരംഭിക്കുന്നത്. സൂര്യകുമാര് യാധവാണ് ടി-20 ക്യാപ്റ്റന്. എന്നിരുന്നാലും മലയാളി സൂപ്പര് താരം സഞ്ജു സാംസണ് കളത്തിലിറങ്ങുന്നത് കാണാനാണ് ആരാധകര് കാത്തിരിക്കുന്നത്.
ഓസീസിനെതിരെ സഞ്ജു തന്നെയാകും ഫസ്റ്റ് ചോയിസ് വിക്കറ്റ് കീപ്പര് എന്ന കാര്യത്തില് സംശയമൊന്നുമില്ല. മാത്രമല്ല കങ്കാരുപ്പടക്കെതിരെ കളത്തിലിറങ്ങുമ്പോള് താരത്തെ കാത്തിരിക്കുന്നത് ഒരു തകര്പ്പന് റെക്കോഡുമാണ്. ടി-20യില് ഓസ്ട്രേലിയക്കെതിരെ ഉയര്ന്ന വ്യക്തിഗത സ്കോര് നേടുന്ന ഇന്ത്യന് വിക്കറ്റ് കീപ്പര്മാരുടെ ലിസ്റ്റില് ഒന്നാമനാകാനാണ് സഞ്ജുവിന് വന്നുചേര്ന്ന സുവര്ണാവസരം.
നിലവില് ഈ നേട്ടത്തില് ഒന്നാമന് ഇഷാന് കിഷനാണ്. 58 റണ്സാണ് കിഷന് ഓസീസിനെതിരെ അടിച്ചെടുത്തത്. മാത്രമല്ല ധോണിയടക്കമുള്ള വമ്പന്മാരെ മറികടന്ന് ഓസീസിനെതിരെ മികച്ച പ്രകടനം നടത്താന് സാധിച്ചാല് സഞ്ജുവിന് ഈ റെക്കോഡ് ലിസ്റ്റില് കുതിക്കാന് സാധിക്കും.
ഇഷാന് കിഷന് – 58
കെ.എല്. രാഹുല് – 55
എം.എസ്. ധോണി – 48
റിഷബ് പന്ത് – 39
ദിനേശ് കാര്ത്തിക് – 30
സഞ്ജു സാംസണ് – 23
അതേസമയം ടി-20യില് 49 മത്സരങ്ങളില് നിന്ന് 993 റണ്സാണ് സഞ്ജു നേടിയത്. ഓസീസിനെതിരെ ഇനി വെറും ഏഴ് റണ്സ് നേടിയാല് ഫോര്മാറ്റില് 1000 റണ്സ് എന്ന നാഴികക്കല്ലിലെത്താനും സഞ്ജുവിന് സാധിക്കും. മാത്രമല്ല ഫോര്മാറ്റില് 111 റണ്സിന്റെ ഉയര്ന്ന സ്കോറും 26.1 എന്ന ആവറേജും 148 എന്ന സ്ട്രൈക്ക് റേറ്റും താരത്തിനുണ്ട്. മൂന്ന് സെഞ്ച്വറിയും മൂന്ന് അര്ധസെഞ്ച്വറിയും സഞ്ജു സ്വന്തമാക്കി.
സൂര്യകുമാര് യാദവ് (ക്യാപ്റ്റന്), അഭിഷേക് ശര്മ, ശുഭ്മന് ഗില് (വൈസ് ക്യാപ്റ്റന്), തിലക് വര്മ, നിതീഷ് കുമാര് റെഡ്ഡി, ശിവം ദുബെ, അക്സര് പട്ടേല്, ജിതേഷ് ശര്മ (വിക്കറ്റ് കീപ്പര്), വരുണ് ചക്രവര്ത്തി, ജസ്പ്രീത് ബുംറ, അര്ഷ്ദീപ് സിങ്, കുല്ദീപ് യാദവ്, ഹര്ഷിദ് റാണ, സഞ്ജു സാംസണ് (വിക്കറ്റ് കീപ്പര്), വാഷിങ്ടണ് സുന്ദര്
Content Highlight: Sanju Samson Have A Chance To Achieve Great Record In T-20i