എറണാകുളം: ശബരിമല വിമാനത്താവളത്തിനായി ഭൂമിയേറ്റെടുക്കുന്നതിനുള്ള വിജ്ഞാപനം റദ്ദാക്കി ഹൈക്കോടതി.
ഗ്രീന് ഫീല്ഡ് വിമാനത്താവളത്തിനായി ചെറുവള്ളി എസ്റ്റേറ്റും സമീപ പ്രദേശങ്ങളും ഏറ്റെടുക്കുന്നതിനായി സര്ക്കാര് പുറപ്പെടുവിച്ച വിജ്ഞാപനങ്ങളും അനുബന്ധ രേഖകളുമാണ് കേരള ഹൈക്കോടതി റദ്ദാക്കിയിരിക്കുന്നത്.
2570 ഏക്കര് ഭൂമി ഏറ്റെടുക്കുന്നത് അത്യാവശ്യമാണോയെന്ന് സര്ക്കാരിന് ശാസ്ത്രീയമായി തെളിയിക്കാന് സാധിക്കാത്തതാണ് കാരണം.
എയര്പ്പോര്ട്ട് അധികൃതരുടെ കണക്കനുസരിച്ച് വലിയ വിമാനങ്ങള് ഇറങ്ങുന്ന വിമാനത്താവളങ്ങള്ക്ക് പോലും 1200 ഏക്കര് ഭൂമി മതിയാകുമെന്നിരിക്കെ എന്തിനാണ് ഇത്രയധികം ഭൂമിയേറ്റെടുക്കുന്നതെന്നും കോടതി ചോദിച്ചു.
2013ലെ ഭൂമിയേറ്റെടുക്കല് നിയമ പ്രകാരം ഒരു പദ്ധതിക്കായി ഭൂമി ഏറ്റെടുക്കുമ്പോള് ആ പദ്ധതിക്ക് ആവശ്യമുളള ഏറ്റവും കുറഞ്ഞ അളവ് മാത്രമായിരിക്കണം ഏറ്റെടുക്കേണ്ടത്.
എന്നാല് ഈ വിഷയത്തില് ഇത്രയധികം ഭൂമിയേറ്റെടുക്കുന്നതിന്റെ കാരണം വ്യക്തമാക്കാന് സര്ക്കാരിനും സോഷ്യല് ഇംപ്കാറ്റ് യൂണിറ്റിനും എക്സ്പേര്ട്ട് കമ്മിറ്റിക്കും കഴിഞ്ഞിട്ടില്ലെന്നും കോടതി ഉത്തരവില് പറയുന്നു.
സോഷ്യല് ഇംപാക്റ്റ് അസസ്മെന്റ് റിപ്പോര്ട്ട്, ഭൂമിയുടെ അളവ് സംബന്ധിച്ച ഭാഗങ്ങള്, ഇതുമായി ബന്ധപ്പെട്ട് പുറപ്പെടുവിച്ച പ്രാഥമിക റിപ്പോര്ട്ട് തുടങ്ങിയവയെല്ലാം കോടതി റദ്ദാക്കി.
കൂടാതെ ഭാവി വികസനത്തിന് ഇത്രയും ഭൂമി വേണമെന്ന സര്ക്കാരിന്റെ വാദവും കോടതി തള്ളി. പദ്ധതിക്ക് ആവശ്യമായ ഭൂമിയുടെ കൃത്യമായ അളവ് കണക്കാക്കുന്നതിനായി പുതിയ സോഷ്യല് ഇംപാക്റ്റ് അസസ്മെന്റെ് നടത്തണമെന്നും കോടതി നിര്ദേശിച്ചു. പുതിയ സംഘത്തില് വിമാനത്താവളം, ഡാം തുടങ്ങിയ സാങ്കേതിക പദ്ധതികളില് വിദഗ്ധരായവരെ ഉള്പ്പെടുത്തണമെന്നും കോടതി ഉത്തരവില് പറഞ്ഞു.
Content Highlight: Sabarimala airport land acquisition; High Court order a setback for the government