ന്യൂദല്ഹി: ഇന്ത്യ എ ടീമിന്റെ ന്യുസീലന്ഡ് പര്യടനത്തില് നിന്ന് രോഹിത് ശര്മയെ ഒഴിവാക്കി. തുടര്ച്ചയായ മത്സരങ്ങള് കാരണം താരത്തിന് വിശ്രമം അനുവദിക്കുകയായിരുന്നു.
സീനിയര് താരങ്ങളെ ഉള്പ്പെടുത്തിയാണ് ഇന്ത്യ എ ടീം ന്യുസീലന്ഡ് സന്ദര്ശിക്കുന്നത്. മൂന്ന് ചതുര്ദിനവും മൂന്ന് ഏകദിനവുമാണ് ഇന്ത്യ കളിക്കുക. ഈ മാസം 16ന് മൗണ്ട് മൗന്ഗൗനിയിലാണ് ആദ്യ മത്സരം.
ആദ്യ ടെസ്റ്റിനുള്ള ടീമിനെയാണ് പ്രഖ്യാപിച്ചത്. ഓസ്ട്രേലിയന് പര്യടനത്തിന് മുന്നോടിയായാണ് പരമ്പര. ഓസ്ട്രേലിയയ്ക്കെതിരായ ടെസ്റ്റ് ടീമില് രോഹിതിനെ ഉള്പ്പെടുത്തിയിട്ടുണ്ട്.
ഇന്ത്യ എ: അജന്ക്യ രഹാനെ (ക്യാപ്റ്റന്), മുരളി വിജയ്, പൃഥ്വി ഷാ. മായങ്ക് അഗര്വാള്, ഹനുമ വിഹാരി, പാര്ഥിവ് പട്ടേല്, കെ.ഗൗതം, ഷഹബാസ് നദീം, മുഹമ്മദ് സിറാജ്, നവ്ദീപ് സൈനി, ദീപക് ചഹര്, രജ്നീഷ് ഗുര്ബാനി, വിജയ് ശങ്കര്, കെ.എസ്.ഭരത്.