ലോറസ് വേള്ഡ് കംബാക്ക് ഓഫ് ദി ഇയര് പുരസ്കാരത്തിനായി നോമിനേറ്റ് ചെയ്യപ്പെട്ട് ഇന്ത്യന് വിക്കറ്റ് കീപ്പര് ബാറ്റര് റിഷബ് പന്ത്. മരണത്തെ മുമ്പില് കണ്ട അപകടത്തിന് ശേഷം കായിക ലോകത്തേക്ക് മടങ്ങി വരികയും നിരവധി പേര്ക്ക് പ്രചോദനമായതിനും പിന്നാലെയാണ് പന്ത് ലോറസ് അവാര്ഡിന്റെ ചുരുക്കപ്പെട്ടികയില് ഇടം നേടിയത്.
ഗ്ലോബല് സ്പോര്ട്സ് ഇതിഹാസങ്ങള്ക്കൊപ്പമാണ് റിഷബ് പന്ത് ഈ പട്ടികയില് ഇടം നേടിയിരിക്കുന്നത്. ജിംനാസ്റ്റ് റബേക്ക അന്ഡ്രാഡെ, നീന്തല് താരങ്ങളായ കാലെബ് ഡ്രാസെല്, അരിയാന് ടിറ്റ്മസ്, സ്കീ റേസര് ലാറ ഗട്ട്-ബെറാമി, മോട്ടോ ജി.പി താരം മാര്ക് മാര്ക്വെസ് എന്നിവരാണ് കംബാക് ഓഫ് ദി ഇയര് അവാര്ഡിനുള്ള ചുരുക്കപ്പട്ടികയില് ഇടം നേടിയത്.
പ്രസ്റ്റീജ്യസായ ലോറസ് അവാര്ഡിന്റെ 25ാം വാര്ഷികമാണ് ഇത്തവണ ആഘോഷിക്കുന്നത്. ഏപ്രില് 21ന് മാഡ്രിഡില് വെച്ചാണ് പുരസ്കാരങ്ങള് സമ്മാനിക്കുക.
2022 ഡിസംബറിലാണ് റിഷബ് പന്തിന് അപകടം സംഭവിച്ചത്. ദല്ഹി – ഡെറാഡൂണ് ഹൈവേയില് വെച്ച് ഡിവൈഡറിലിടിച്ച് കാര് പൂര്ണമായും കത്തിയമര്ന്നിരുന്നു. യാത്രക്കാരുടെ സമയോചിതമായ ഇടപെടലാണ് പന്തിനെ രക്ഷപ്പെടുത്തിയത്. അപകടത്തില് താരത്തിന്റെ പുറം ഭാഗത്ത് പൊള്ളലേല്ക്കുകയും കാലിന്റെ ലിഗ്മെന്റ് പൊട്ടുകയും ചെയ്തിരുന്നു.
അപകടത്തിന് ശേഷം ഏറെ നാള് ക്രിക്കറ്റില് നിന്നും വിട്ടുനിന്ന താരം ബംഗ്ലാദേശിനെതിരെ സെഞ്ച്വറി നേടിക്കൊണ്ടാണ് തിരിച്ചുവരവ് ഗംഭീരമാക്കിയത്. ടെസ്റ്റ് ഫോര്മാറ്റില് ഏറ്റവുമധികം സെഞ്ച്വറി നേടുന്ന ഇന്ത്യന് വിക്കറ്റ് കീപ്പര് ബാറ്റര് എന്ന റെക്കോഡില് ധോണിക്കൊപ്പമെത്താനും പന്തിന് സാധിച്ചു.
ഇതിനൊപ്പം 2024 ടി-20 ലോകകപ്പും പന്ത് നേടിയിരുന്നു.
കംബാക്ക് ഓഫ് ദി ഇയര് അടക്കം നിരവധി വിഭാഗങ്ങളില് ലോറസ് അവാര്ഡ് സമ്മാനിക്കുന്നുണ്ട്. ഓരോ കാറ്റഗറിയിലെയും നോമിനീസിനെ പരിശോധിക്കാം.
ലോറസ് വേള്ഡ് സ്പോര്ട്സ്മാന് ഓഫ് ദി ഇയര്
- കാര്ലോസ് അല്കാരസ് (സ്പെയ്ന്) – ടെന്നീസ്
- മോണ്ടോ ഡുപ്ലാന്റിസ് (സ്വീഡന്) – അത്ലറ്റിക്സ്
- ലിയോണ് മാര്ചന്ദ് (ഫ്രാന്സ്) – നീന്തല്
- തതേജ് പൊഗാകര് (സ്ലൊവേനിയ) – സൈക്ലിങ്
- മാക്സ് വേഴ്സ്റ്റപ്പന് (നെതര്ലന്ഡ്സ്) – മോട്ടോര് റേസിങ്
ലോറസ് വേള്ഡ് സ്പോര്ട്സ്വുമണ് ഓഫ് ദി ഇയര്
- സൈമണ് ബൈല്സ് (അമേരിക്ക) – ജിംനാസ്റ്റിക്സ്
- ഐറ്റാന ബോണ്മാറ്റി (സ്പെയ്ന്) – ഫുട്ബോളര്
- സിഫാന് ഹസന് (നെതര്ലന്ഡ്സ്) – അത്ലറ്റിക്സ്
- ഫെയ്ത് കിപ്യെഗോണ് (കെനിയ) – അത്ലറ്റിക്സ്
- സിഡ്നി മെഗ്ലാഫ്ലിന്-ലെവ്റോണ് (അമേരിക്ക) – അത്ലറ്റിക്സ്
- അര്യാന സബേലങ്ക (ബെലറൂസ്) – ടെന്നീല്
ലോറസ് വേള്ഡ് ടീം ഓഫ് ദി ഇയര്
- എഫ്.സി ബാഴ്സലോണ വനിതാ ടീം (സ്പെയ്ന്) – ഫുട്ബോള്
- ബോസ്റ്റണ് സെല്റ്റിക്സ് (അമേരിക്ക) – ബാസ്ക്കറ്റ്ബോള്
- മക്ലാറന് ഫോര്മുല വണ് ടീം (യു.കെ) – ഫോര്മുല വണ്
- റയല് മാഡ്രിഡ് പുരുഷ ടീം (സ്പെയ്ന്) – ഫുട്ബോള്
- സ്പെയ്ന് ദേശീയ ഫുട്ബോള് ടീം (പുരുഷന്)
- യു.എസ്.എ ബാസ്ക്കറ്റ് ബോള് ടീം (പുരുഷന്)
ലോറസ് ബ്രേക് ത്രൂ ഓഫ് ദി ഇയര് അവാര്ഡ്
- ജൂലിയന് ആല്ഫ്രെഡ് (സെന്റ് ലൂസിയ) – അത്ലറ്റിക്സ്
- ബയേര് ലെവര്കൂസന് (ജര്മനി) – ഫുട്ബോള്
- സമ്മര് മാക്കിന്റോഷ് (കാനഡ) – നീന്തല്
- ലെസില് ടെബോഗോ (ബോട്സ്വാന) – അത്ലറ്റിക്സ്
- വിക്ടര് വെംബാന്യാമ (ഫ്രാന്സ്) – ബാസ്ക്കറ്റ് ബോള്
- ലാമിന് യമാല് (സ്പെയ്ന്) – ഫുട്ബോള്
ലോറസ് വേള്ഡ് കംബാക്ക് ഓഫ് ദി ഇയര് അവാര്ഡ്
- റെബേക്ക അന്ഡ്രാഡെ (ബ്രസീല്) – ജിംനാസ്റ്റിക്സ്
- കാലെബ് ഡ്രെസ്സല് (അമേരിക്ക) – നീന്തല്
- ലാറ ഗട്ട്-ബെറാമി (സ്വിറ്റ്സര്ലന്ഡ്) – ആല്പൈന് സ്കീയിങ്
- മാര്ക് മാര്ക്വെസ് (സ്പെയ്ന്) – മോട്ടോര് സൈക്ലിങ്
- റിഷബ് പന്ത് (ഇന്ത്യ) – ക്രിക്കറ്റ്
- അരിയാന് ടിറ്റ്മസ് (ഓസ്ട്രേലിയ) – നീന്തല്
ലോറസ് അവാര്ഡ് ഫോര് ബെസ്റ്റ് ആക്ഷന് സ്പോര്ട്സ്പേഴ്സണ് ഓഫ് ദി ഇയര് അവാര്ഡ്
- യോട്ടോ ഹോറിഗാം (ജപ്പാന്) – സ്കേറ്റ് ബോര്ഡിങ്
- ചോള് കിം (അമേരിക്ക) – സ്നോബോര്ഡിങ്
- കാരോലിന് മാര്ക്സ് (അമേരിക്ക) – സര്ഫിങ്
- അലക്സാന്ഡ് മിറോസ്ലോ (പോളണ്ട്) – സ്പീഡ് ക്ലൈംബിങ്
- ടോം പിഡ്കോക് (യു.കെ) – മൗണ്ടൈന് ബൈക്കിങ്
- അരിസ ട്രൂ (ഓസ്ട്രേലിയ) – സ്കേറ്റ്ബോര്ഡിങ്
ലോറസ് വേള്ഡ് സ്പോര്ട്സ്പേഴ്സണ് ഓഫ് ദി ഇയര് വിത്ത് എ ഡിസബിലിറ്റി അവാര്ഡ്
- കാതറിന് ഡെബ്രണര് (സ്വിറ്റസര്ലന്ഡ്) – അത്ലറ്റിക്സ്
- തെരേസ പെരാലെസ് (സ്പെയ്ന്) – സ്വിമ്മിങ്
- ടോകിറ്റോ ഒഡ (ജപ്പാന്) – വീല്ചെയര് ടെന്നീസ്
- മാറ്റ് സ്റ്ററ്റ്സ്മാന് (യു.എസ്.എ) – ആര്ച്ചറി
- ജിയാങ് യുവാങ് (ചൈന) – നീന്തല്
- ക്വി സിമോ (ചൈന) വീല്ചെയര് ബാഡ്മിന്റണ്
ലോറസ് സ്പോര്ട് ഫോര് ഗുഡ് അവാര്ഡ്
സ്പെഷ്യലിസ്റ്റ് സെലക്ഷന് പാനല് തെരഞ്ഞെടുത്ത മത്സരങ്ങള്
- കിക് 4 ലൈഫ് (ലെസോത്തോ) ഫുട്ബോള് x ജെന്ഡര് ഈക്വാലിറ്റി
- ഫിഗര് സ്കേറ്റിങ് ഹാര്ലെം (അമേരിക്ക) – ഫിഗര് സ്കേറ്റിങ് x റേഷ്യല് ഈക്വാലിറ്റി
- കൈന്ഡ് സര്ഫ് (സ്പെയ്ന്) – സര്ഫിങ് x ഇന്ക്ലൂഷന്
- ലിബെരി നാന്റെസ് (ഇറ്റലി) – ഫുട്ബോള് x സോഷ്യല് ഇന്ക്ലൂഷന്
- പാരീസ് ബാസ്ക്കറ്റ് 18 (ഫ്രാന്സ്) – ബാസ്ക്കറ്റ് ബോള് x ജെന്ഡര് ഈക്വാലിറ്റി
- സ്ട്രീറ്റ് ലീഗ് (യു.കെ) – മള്ട്ടി സ്പോര്ട് x എംപ്ലോയബിലിറ്റി
Content highlight: Rishabh Pant nominated for Laureus Comeback Of The Year Award