ന്യൂദല്ഹി: ഇന്ത്യന് കൗണ്സില് ഒഫ് മെഡിക്കല് റിസര്ച്ചിന്റെ (ഐ.സി.എം.ആര്) ശതാബ്ദി പ്രമാണിച്ച് റിസര്വ്വ് ബാങ്ക് ഓഫ് ഇന്ത്യ പുതിയ അഞ്ചു രൂപാ നാണയം പുറത്തിറക്കുന്നു. നിക്കല്-പിത്തള കൂട്ടുലോഹത്തിലാണ് നാണയം തയ്യാറാക്കുന്നത്.
നാണയത്തിന്റെ ഒരു വശത്ത് അശോക സ്തംഭവും മറുവശത്ത് ഐ.സി.എം.ആറിന്റെ ചിഹ്നമോ പേരോ ഉണ്ടാകും.
നിലവില് റിസര്വ്വ് ബാങ്ക് പുറത്തിറക്കിയിട്ടുള്ള അഞ്ചു രൂപ നാണയങ്ങള്ക്ക് തുടര്ന്നും പ്രാബല്യമുണ്ടാകുമെന്ന് ആര്.ബി.ഐ അറിയിച്ചു.
