ടി-20 ഫോര്‍മാറ്റിലെ എക്കാലത്തെയും മികച്ച താരത്തെ തെരഞ്ഞെടുത്ത് അഫ്ഗാന്‍ സൂപ്പര്‍ താരവും ടി-20 ലെജന്‍ഡുമായ റാഷിദ് ഖാന്‍.
Photo: ACB
ഇതിഹാസ താരങ്ങളായ വിരാട് കോഹ്‌ലിയെയും എ.ബി. ഡി വില്ലിയേഴ്‌സിനെയും മറികടന്ന് ഇന്ത്യയുടെ എക്കാലത്തെയും മികച്ച പേസര്‍മാരില്‍ ഒരാളായ ജസ്പ്രീത് ബുംറയെയാണ് റാഷിദ് ഖാന്‍ മികച്ച ടി-20 താരമായി തെരഞ്ഞെടുത്തത്.
ജസ്പ്രീത് ബുംറ. Photo: BCCI
ഇ.എസ്.പി.എന്‍ ക്രിക്ഇന്‍ഫോയ്ക്ക് നല്‍കിയ അഭിമുഖത്തിലെ ദിസ് ഓര്‍ ദാറ്റ് സെഗ്മെന്റിലാണ് അഫ്ഗാന്‍ സ്പിന്നര്‍ തന്റെ തെരഞ്ഞെടുപ്പ് നടത്തിയത്.
ആദ്യ റൗണ്ടില്‍ സുനില്‍ നരെയ്‌നോ റാഷിദ് ഖാനോ എന്ന ചോദ്യത്തിന് വിന്‍ഡീസ് ടി-20 ഇതിഹാസത്തെ മറികടന്ന് സ്വന്തം പേരാണ് താരം തെരഞ്ഞെടുത്തത്.
ടി-20 ക്രിക്കറ്റില്‍ 550 മത്സരങ്ങളില്‍ നിന്ന് 740 വിക്കറ്റുകള്‍ വീഴ്ത്തിയ റാഷിദ് തന്നെയാണ് ഈ ഫോര്‍മാറ്റിലെ ഏറ്റവും കൂടുതല്‍ വിക്കറ്റ് വീഴ്ത്തിയ താരം. 617 മത്സരങ്ങളില്‍ നിന്ന് 658 വിക്കറ്റുകളുള്ള നരെയ്ന്‍ രണ്ടാമതാണ്.
ആന്ദ്രേ റസല്‍ – എ.ബി. ഡി വില്ലിയേഴ്‌സ് എന്നിവരില്‍ നിന്നും പ്രോട്ടിയാസ് ലെജന്‍ഡിനെ തെരഞ്ഞെടുത്ത റാഷിദ് ഖാന്‍, വിരാട് കോഹ്‌ലി – ക്രിസ് ഗെയ്ല്‍ എന്നിവരില്‍ നിന്നും വിരാടിനെയും തെരഞ്ഞെടുത്തു.
വിരാട് കോഹ്‌ലി
ജസ്പ്രീത് ബുംറ – കെയ്‌റോണ്‍ പൊള്ളാര്‍ഡ് എന്നിവരില്‍ വിന്‍ഡീസ് ടി-20 ഇതിഹാസത്തെ മറികടന്ന് ഇന്ത്യന്‍ പേസറെയും റാഷിദ് തെരഞ്ഞെടുത്തു.
അടുത്ത റൗണ്ടില്‍ സ്വയം മറികടന്ന് എ.ബി. ഡി വില്ലിയേഴ്‌സിനെ തെരഞ്ഞെടുത്ത റാഷിദ് വിരാട് കോഹ്‌ലിയെ മറികടന്ന് ജസ്പ്രീത് ബുംറയെയും തെരഞ്ഞെടുത്തു.
എ.ബി. ഡി വില്ലിയേഴ്‌സ്
2024-ലെ ടി-20 ലോകകപ്പില്‍ ഇന്ത്യയെ കിരീടത്തിലേക്ക് നയിക്കുന്നതില്‍ നിര്‍ണായക പങ്കുവഹിച്ച ബുംറ ടൂര്‍ണമെന്റിലെ മികച്ച താരത്തിനുള്ള പുരസ്‌കാരം നേടിയിരുന്നു. കൂടാതെ, ഇന്ത്യയുടെ 2026-ലെ ടി20 ലോകകപ്പ് വിജയത്തിലും അദ്ദേഹം വിക്കറ്റ് വേട്ടക്കാരില്‍ മുമ്പനായിരുന്നു.
മുംബൈ ഇന്ത്യന്‍സിന്റെ അഞ്ച് ഐ.പി.എല്‍ കിരീടങ്ങളിലും ബുംറയുടെ പങ്ക് വലുതാണ്.
ജസ്പ്രീത് ബുംറ. Photo: miplatan/x.com
ഒടുവില്‍ എ.ബി. ഡി വില്ലിയേഴ്‌സോ ജസ്പ്രീത് ബുംറയോ എന്ന ചോദ്യത്തിന് മിസ്റ്റര്‍ 360യെ ജസ്പ്രീത് ബുംറയെ എക്കാലത്തെയും മികച്ച ടി-20 ക്രിക്കറ്റ് താരമായി റാഷിദ് ഖാന്‍ പ്രഖ്യാപിക്കുകയായിരുന്നു.
Content highlight: Rashid Khan names Jasprit Bumrah as the greatest T20 player of all time.