ന്യൂസിലാന്ഡിനെതിരായ ആദ്യ ഏകദിനത്തില് മികച്ച പ്രകടനം നടത്തിയ ശ്രേയസ് അയ്യരെ പ്രശംസിച്ച് ഇതിഹാസം ആര്. അശ്വിന്. ഏകദിന ഫോര്മാറ്റില് ഇന്ത്യയുടെ മിസ്റ്റര് കണ്സിസ്റ്റന്റാണ് ശ്രേയസ് അയ്യരെന്ന് അശ്വിന് പറഞ്ഞു. അയ്യര് ഒരിക്കലും കളിയില് പിന്നോട്ട് പോയില്ലെന്നും മികച്ച തിരിച്ചുവരവാണ് നടത്തിയതെന്നും അദ്ദേഹം കൂട്ടിച്ചേര്ത്തു. തന്റെ യൂട്യൂബ് ചാനലില് സംസാരിക്കുകയായിരുന്നു അശ്വിന്.
‘ഏകദിന ഫോര്മാറ്റില് ഇന്ത്യയുടെ മിസ്റ്റര് കണ്സിസ്റ്റന്റാണ് ശ്രേയസ് അയ്യര്. അദ്ദേഹം പുറത്തായത് വളരെ വ്യത്യസ്തമായിരുന്നു, കാരണം അദ്ദേഹം ഒരിക്കലും കളിയില് പിന്നോട്ട് പോയില്ല, അത് പൂര്ത്തിയാക്കുമെന്ന് വിശ്വസിക്കുകയായിരുന്നു. ശ്രേയസ് മികച്ച തിരിച്ചുവരവാണ് നടത്തിയത്. മാത്രമല്ല ജാമിസണില് നിന്ന് മികച്ച ഒരു പന്തായിരുന്നു അയ്യര്ക്ക് ലഭിച്ചത്,’ അശ്വിന് പറഞ്ഞു.
കിവീസിനെതിരായ ആദ്യ മത്സരത്തില് മിന്നും പ്രകടനമായിരുന്നു ശ്രേയസ് അയ്യര് കാഴ്ചവെച്ചത്. 47 പന്തില് ഒരു സിക്സും നാല് ഫോറും ഉള്പ്പെടെ 49 റണ്സ് നേടിയാണ് അയ്യര് മികവ് പുലര്ത്തിയത്. ഓസ്ട്രേലിയയ്ക്കെതിരായ പരമ്പരയില് പരിക്ക് പറ്റിയതിന് ശേഷം ഏറെ കാലം കളത്തിന് പുറത്തായിരുന്നു ശ്രേയസ്. ടീമില് ഇടം നേടിയ ശേഷം കിവീസിനെതിരെ മികച്ച തിരിച്ചുവരവാണ് താരം നടത്തിയത്.
നിലവില് ഏകദിന മത്സരങ്ങളില് ഇന്ത്യയ്ക്ക് വേണ്ടി 68 ഇന്നിങ്സില് നിന്ന് 2966 റണ്സാണ് താരം നേടിയത്. 128* റണ്സിന്റെ ഉയര്ന്ന സ്കോറും താരത്തിനുണ്ട്. 47.8 എന്ന ആവറേജും 99.1 എന്ന സ്ട്രൈക്ക് റേറ്റുമാണ് ഫോര്മാറ്റില് അയ്യര്ക്കുള്ളത്. അഞ്ച് സെഞ്ച്വറിയും 23 അര്ധ സെഞ്ച്വറിയും താരത്തിന്റെ അക്കൗണ്ടിലുണ്ട്.
അതേസമയം ന്യൂസിലാന്ഡിനെതിരായ മൂന്ന് ഏകദിന മത്സരങ്ങള് അടങ്ങുന്ന പരമ്പരയില് 0-1ന് ഇന്ത്യയാണ് മുന്നിലുള്ളത്. വഡോധരയില് നടന്ന ആദ്യ മത്സരത്തില് നാല് വിക്കറ്റിന് ഇന്ത്യ വിജയിച്ചിരുന്നു. ഇരുവരും തമ്മിലുള്ള രണ്ടാം ഏകദിനം ജനവരി 14ന് സൗരാഷ്ട്ര ക്രിക്കറ്റ് സ്റ്റേഡിയത്തിലാണ് നടക്കുക. മത്സരത്തില് ഇന്ത്യ തന്നെ ആധിപത്യം തുടരുമെന്നാണ് ആരാധകര് വിശ്വസിക്കുന്നത്. പരമ്പര കൈവിടാതിരിക്കാന് കിവീസിന് മത്സരത്തില് വിജയിച്ചേ മതിയാകൂ.
Content Highlight: R Ashwin Talking About Shreyas Iyer