[]ഗ്ലാസ്ഗോ: കോമണ്വെല്ത്ത് ഗെയിംസില് പുരുഷന്മാരുടെ ഷൂട്ടിംഗില് ഇന്ത്യന് താരം പ്രകാശ് നഞ്ചപ്പയ്ക്ക് വെള്ളി. 10 മീറ്റര് എയര് പിസ്റ്റളിലാണ് പ്രകാശ് നഞ്ചപ്പ വെള്ളി മെഡല് നേടിയത്.
ഇതോടെ കോമണ്വെല്ത്ത് ഗെയിംസിലെ ഇന്ത്യയുടെ മെഡല് നേട്ടം 11 ആയി. മൂന്നു സ്വര്ണവും അഞ്ച് വെള്ളിയും മൂന്ന് വെങ്കലവും നേടിയ ഇന്ത്യ ഇപ്പോള് മെഡല് പട്ടികയില് അഞ്ചാം സ്ഥാനത്താണ്.
കോമണ് വെല്ത്ത് ഗെയിംസിന്റെ മൂന്നാം ദിനമായ ഇന്ന് ബോക്സിംഗില് പുരുഷന്മാരുടെ 64 കിലോ വിഭാഗത്തില് മനോജ് കുമാറും 75 കിലോ വിഭാഗത്തില് വിജേന്ദര് കുമാറും മത്സരത്തിനിറങ്ങും.
പുരുഷ ഹോക്കിയില് രണ്ടാം മത്സരത്തില് ഇന്ത്യന് ടീം ആതിഥേയരായ സ്കോട്ട്ലന്റിനെ നേരിടും. വനിതകളുടെ 25 മീറ്റര് എയര് പിസ്റ്റള് 10 മീറ്റര് എയര് റൗഫിള് വിഭാഗങ്ങളിലും ഇന്ന് മത്സരം നടക്കും.
ഇതോടെ 12 സ്വര്ണവും 11 വെള്ളിയും 10 വെങ്കലവും നേടിയ ഇംഗ്ലണ്ടാണ് മെഡല്പ്പട്ടികയില് ഒന്നാം സ്ഥാനത്ത്. 12 സ്വര്ണവും 9 വെള്ളിയും 12 വെങ്കലുമായി ഓസ്ട്രേലിയ രണ്ടാം സ്ഥാനത്തുണ്ട്. ഏഴ് സ്വര്ണവും മൂന്ന് വെള്ളിയും അഞ്ച് വെങ്കലവും നേടിയ സ്കോട്ലന്ഡാണ് മൂന്നാം സ്ഥാനത്ത്. ഏഴ് സ്വര്ണവും ഒരു വെള്ളിയും അഞ്ച് വെങ്കലവും നേടിയ കാനഡ നാലാം സ്ഥാനത്തുണ്ട്.