മലയാളത്തിലെ ബോക്സ് ഓഫീസ് പവറിന്റെ അവസാന വാക്കാണ് മോഹന്‍ലാല്‍. നാലുപതിറ്റാണ്ടിലധികമായി ഒട്ടനവധി കഥാപാത്രങ്ങള്‍ മലയാള സിനിമയ്ക്ക് സമ്മാനിച്ച താരം ഇന്ന് മലയാളത്തിലെ മറ്റൊരു നടനും പകരം വെക്കാന്‍ സാധിക്കാത്ത സ്റ്റാര്‍ വാല്യൂവിന് ഉടമയാണ്. എമ്പുരാനും തുടരുമും ദൃശ്യം 3യും, ലൂസിഫറും പുലിമുരുകനും അടക്കം മലയാളത്തിലെ ഹൈയസ്റ്റ് ഗ്രോസര്‍ ചിത്രങ്ങളില്‍ ഭൂരിഭാഗവും താരത്തിന്റെ പേരിലാണ്. ഹൈപ്പ് ലഭിക്കുന്ന ചിത്രങ്ങള്‍ക്ക് മികച്ച ഓപ്പണിങ് ഡേ കളക്ഷന്‍ ലഭിക്കാനും പോസിറ്റീവ് ലഭിക്കുന്ന ചിത്രങ്ങള്‍ക്ക് മികച്ച ഫൈനല്‍ കളക്ഷന്‍ നേടാനും താരത്തിനുള്ള കെല്‍പ്പ് പ്രശംസനീയമാണ്.
മോഹന്‍ലാല്‍. Photo: X.com
എന്നാല്‍ താരത്തിന്റെ റെക്കോഡുകള്‍ക്ക് വെല്ലുവിളിയായിട്ടായിരുന്നു ബെത്‌ലഹേം കുടുംബ യൂണിറ്റ് എന്ന ചിത്രവുമായി നിവിന് പോളിയെത്തിയത്. ഇരുപത്തിയൊന്നാം നൂറ്റാണ്ടില്‍ ഏറ്റവും കൂടുതല്‍ ആളുകള്‍ തിയേറ്ററിലെത്തി കണ്ട മലയാള ചിത്രം എന്ന റെക്കോഡ് സ്വന്തമാക്കിയ സിനിമയായിരുന്നു ഗിരീഷ് എ.ഡി സംവിധാനം ചെയ്ത ബെത്‌ലഹേം കുടുംബ യൂണിറ്റ്. പ്രേമലു എന്ന ഹിറ്റ് ചിത്രത്തിന് ശേഷം ഗിരീഷ് എ.ഡിയും പ്രൊഡക്ഷന്‍ ഹൗസായ ഭാവന സ്റ്റുഡിയോസും ഒന്നിച്ച ബെത്‌ലഹേം ആഗോളതലത്തില്‍ ഏറ്റവും കൂടുതല്‍ കളക്ഷന്‍ സ്വന്തമാക്കുന്ന മലയാള ചിത്രമെന്ന റെക്കോര്‍ഡും സ്വന്തമാക്കിയിരുന്നു.
ഓണം വെക്കേഷന്‍ ലക്ഷ്യമിട്ട് ഓഗസ്റ്റ് 21ന് തിയേറ്ററുകളിലെത്തിയ ചിത്രം 325 കോടിയിലധികമാണ് ബോക്സ് ഓഫീസില്‍ നിന്നും സ്വന്തമാക്കിയത്. ഇന്‍ഡസ്ട്രി ഹിറ്റടിച്ച ചിത്രം കേരള ബോക്സ് ഓഫീസില്‍ നിന്നും 150 കോടി കടക്കുന്ന ആദ്യ മലയാള ചിത്രമെന്ന നേട്ടവും സ്വന്തമാക്കിയിരുന്നു. രണ്ടും മൂന്നും തവണ തിയേറ്ററുകളിലെത്തി ചിത്രം കണ്ടവരും ഒട്ടനവധിയാണ്. ബോക്സ് ഓഫീസിലെ വിജയകുതിപ്പിന് പിന്നാലെ ജിയോ ഹോട്സ്റ്റാറിലൂടെ ചിത്രം ഒ.ടി.ടി സ്ട്രീമിങ് ആരംഭിച്ചിരുന്നു.
ഇതോടെ ചിത്രവുമായി ബന്ധപ്പെട്ട് ഒട്ടനവധി ചര്‍ച്ചകളാണ് സോഷ്യല്‍ മീഡിയയില്‍ അരങ്ങേറുന്നത്. ബെത്‌ലഹേമിലെ നിവിന് പോളിയുടെ മാനറിസവും മോഹന്‍ലാലിന്റെ മാനറിസവും തമ്മില്‍ താരതമ്യം ചെയ്ത് കൊണ്ടുള്ള പോസ്റ്റുകളാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധിക്കപ്പെടുന്നത്. മോഹന്‍ലാലിന്റെ വിന്റേജ് ലുക്കാണ് ബെത്‌ലഹേമിനൊപ്പം സോഷ്യല്‍ മീഡിയയില്‍ വൈറലാകുന്നത്. ബെത്‌ലഹേമിലെ ഇന്റര്‍വെല്‍ സീനില്‍ നിവിന്റെ എക്‌സ്പ്രഷന്‍ മോഹന്‍ലാലിന്റെ തൊണ്ണൂറുകളിലെ അഭിനയവുമായി ബന്ധമുണ്ടെന്നും പലരും അഭിപ്രായപ്പെടുന്നു.
Photo: X.com
മോഹന്‍ലാല്‍ എന്ന താരത്തിന്റെ ബോക്സ് ഓഫീസ് പവറിലും റോം-കോം വിഭാഗത്തിലെ അഭിനയത്തിലും പകരക്കാരനാകാന്‍ നിവിന് സാധിക്കുമെന്നാണ് പലരും അഭിപ്രായപ്പെടുന്നത്. മോഹന്‍ലാലിന്റെ ചിത്രത്തിന് പോസിറ്റീവ് ലഭിച്ചാല്‍ വരുന്ന സ്ലീപ്പര്‍ സെല്‍ ഫാന്‍സിനെ പോലെ നിവിനും ഫാമിലി ഓഡിയന്‍സിനിടയില്‍ വലിയ ആധിപത്യം ഉണ്ടാക്കിയെടുത്തിട്ടുണ്ടെന്നും ആരാധകര്‍ അഭിപ്രായപ്പെടുന്നു. ഇരുവരും ഒന്നിക്കുന്ന ചിത്രം കാണാനുള്ള കാത്തിരിപ്പിലാണ് പ്രേക്ഷകര്‍ ഇപ്പോള്‍.
Content Highlight: Post goes viral on social media relating Mohanlal and Nivn Pauly acting