തിരുവനന്തപുരം: സംസ്ഥാനത്തെ മഴക്കെടുതിയുമായി ബന്ധപ്പെട്ട ദുരന്തനിവാരണത്തില് സര്ക്കാരിന്റെ ഭാഗത്തുനിന്നുണ്ടാവുന്ന അനാസ്ഥ കാരണം ജനങ്ങളുടെ ദുരിതം വര്ധിക്കുന്നത് അംഗീകരിക്കാനാവില്ലെന്ന് പ്രതിപക്ഷ നേതാവ് പിണറായി വിജയന്. ദുരിതാശ്വാസ ക്യാമ്പുകളിലെ അനാസ്ഥ ആശങ്കപ്പെടുത്തുന്നതാണെന്നും പിണറായി അഭിപ്രായപ്പെട്ടു. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.
റാന്നിയില് കൃത്യമായ മുന്നറിയിപ്പില്ലാതെ ഡാം തുറന്നുവിട്ടെന്ന ആരോപണത്തെക്കുറിച്ചും പിണറായി ഫേസ്ബുക്ക് പോസ്റ്റില് പറയുന്നു. ഈ ആരോപണം ഗുരുതരമാണെന്നും അദ്ദേഹം വ്യക്തമാക്കി.
‘ദുരന്തനിവാരണത്തിലെ അനാസ്ഥയും ഏകോപനക്കുറവും മൂലം ജനങ്ങളുടെ ദുരിതം വര്ധിക്കുന്നത് ഒരിക്കലും അംഗീകരിക്കാനാവില്ല. റാന്നിയില് കൃത്യമായ മുന്നറിയിപ്പില്ലാതെ ഡാം തുറന്നുവിട്ടെന്ന ഗുരുതരമായ ആരോപണമാണ് ഉയരുന്നത്.
വ്യാപാരികള്ക്ക് കടകളിലെ സാധനങ്ങള് സുരക്ഷിതമാക്കാന് പോലും സമയം ലഭിച്ചില്ല. അതിന്റെ പേരില് അവര് തെരുവിലിറങ്ങി പ്രതിഷേധിക്കേണ്ടി വന്നിരിക്കുന്നു. ദുരിതാശ്വാസ ക്യാമ്പുകളിലെ അനാസ്ഥയും ആശങ്കപ്പെടുത്തുന്നതാണ്,’ പിണറായി കുറിച്ചു.
ഭക്ഷണവിതരണത്തില് വീഴ്ചയുണ്ടായെന്ന് സര്ക്കാര് സംവിധാനങ്ങള് തന്നെ സമ്മതിച്ചിരിക്കുന്നുവെന്നും പിണറായി ഫേസ്ബുക്ക് പോസ്റ്റില് കുറിച്ചു. ഉദ്യോഗസ്ഥരുടെ ഏകോപനക്കുറവ് കാരണം സന്നദ്ധ പ്രവര്ത്തകരും നാട്ടുകാരും രാഷ്ട്രീയ പ്രവര്ത്തകരും ചേര്ന്നാണ് ഭക്ഷണം തയ്യാറാക്കി വിതരണം ചെയ്യേണ്ടി വന്നതെന്നും അദ്ദേഹം അഭിപ്രായപ്പെട്ടു.
സംസ്ഥാനത്തുടനീളം നൂറുകണക്കിന് ദുരിതാശ്വാസ ക്യാമ്പുകളില് ആയിരക്കണക്കിന് മനുഷ്യരാണ് കഴിയുന്നത്. ഈ സാഹചര്യത്തില് ഭരണസംവിധാനം കൂടുതല് ജാഗ്രതയോടെയും കാര്യക്ഷമതയോടെയും പ്രവര്ത്തിക്കേണ്ടതാണെന്നും പ്രതിപക്ഷ നേതാവ് ചൂണ്ടിക്കാട്ടി.
വീഴ്ചകള് പരിശോധിച്ച് അവ ആവര്ത്തിക്കാതിരിക്കാനുള്ള നടപടി സര്ക്കാര് സ്വീകരിക്കണമെന്നും പിണറായി ആവശ്യപ്പെട്ടു. ദുരന്തബാധിതര്ക്ക് ഭക്ഷണം, കുടിവെള്ളം, മരുന്ന്, സുരക്ഷിത താമസം, നഷ്ടപരിഹാരം എന്നിവ കൃത്യമായി ഉറപ്പാക്കണം. ഈ പ്രതിസന്ധിയെ അതിജീവിക്കാന് സര്ക്കാര് സംവിധാനങ്ങളും തദ്ദേശ സ്ഥാപനങ്ങളും സന്നദ്ധ പ്രവര്ത്തകരും പൊതുസമൂഹവും ഒറ്റക്കെട്ടായി പ്രവര്ത്തിക്കണമെന്നും അദ്ദേഹം അഭ്യര്ത്ഥിച്ചു.
മരണപ്പെട്ടവരുടെയും കാണാതായവരുടെയും ഉറ്റവരുടെ ദുഖത്തില് പങ്കുചേരുന്നതായും അദ്ദേഹം വ്യക്തമാക്കി. കാണാതായവരെ കണ്ടെത്തുന്നതിനായി തിരച്ചില് ഊര്ജ്ജിതമാക്കണമെന്നും അദ്ദേഹം സര്ക്കാരിനോട് ആവശ്യപ്പെട്ടു.
കേരളം വീണ്ടും പ്രളയക്കെടുതിയെ നേരിടുകയാണ്. സംസ്ഥാനത്തൊട്ടാകെ 209 ക്യാമ്പുകളിലായി 5792 അന്തേവാസികള് ഉണ്ടെന്നാണ് ലഭിക്കുന്ന വിവരം. എട്ട് പേര് മരണപ്പെടുകയും എട്ട് പേരെ കാണാതാകുകയും ചെയ്തിട്ടുണ്ട് എന്നത് വേദനാജനകമാണെന്നും അദ്ദേഹം ഫേസ്ബുക്ക് പോസ്റ്റില് കുറിച്ചു.
കേരളം വീണ്ടും പ്രളയക്കെടുതിയെ നേരിടുകയാണ്. സംസ്ഥാനത്തൊട്ടാകെ 209 ക്യാമ്പുകളിലായി 5792 അന്തേവാസികള് ഉണ്ടെന്നാണ് ലഭിക്കുന്ന വിവരം. എട്ട് പേര് മരണപ്പെടുകയും എട്ട് പേരെ കാണാതാകുകയും ചെയ്തിട്ടുണ്ട് എന്നത് വേദനാജനകമാണ്. മരണപ്പെട്ടവരുടെയും കാണാതായവരുടെയും ഉറ്റവരുടെ ദുഃഖത്തില് പങ്കുചേരുന്നു.
ദുരന്തനിവാരണത്തിലെ അനാസ്ഥയും ഏകോപനക്കുറവും മൂലം ജനങ്ങളുടെ ദുരിതം വര്ധിക്കുന്നത് ഒരിക്കലും അംഗീകരിക്കാനാവില്ല.
റാന്നിയില് കൃത്യമായ മുന്നറിയിപ്പില്ലാതെ ഡാം തുറന്നുവിട്ടെന്ന ഗുരുതരമായ ആരോപണമാണ് ഉയരുന്നത്. വ്യാപാരികള്ക്ക് കടകളിലെ സാധനങ്ങള് സുരക്ഷിതമാക്കാന് പോലും സമയം ലഭിച്ചില്ല. അതിന്റെ പേരില് അവര് തെരുവിലിറങ്ങി പ്രതിഷേധിക്കേണ്ടി വന്നിരിക്കുന്നു.
ദുരിതാശ്വാസ ക്യാമ്പുകളിലെ അനാസ്ഥയും ആശങ്കപ്പെടുത്തുന്നതാണ്. ഭക്ഷണവിതരണത്തില് വീഴ്ചയുണ്ടായെന്ന് സര്ക്കാര് സംവിധാനങ്ങള് തന്നെ സമ്മതിച്ചിരിക്കുന്നു.
ഉദ്യോഗസ്ഥരുടെ ഏകോപനക്കുറവ് കാരണം സന്നദ്ധ പ്രവര്ത്തകരും നാട്ടുകാരും രാഷ്ട്രീയ പ്രവര്ത്തകരും ചേര്ന്നാണ് ഭക്ഷണം തയ്യാറാക്കി വിതരണം ചെയ്യേണ്ടി വന്നത്.
സംസ്ഥാനത്തുടനീളം നൂറുകണക്കിന് ദുരിതാശ്വാസ ക്യാമ്പുകളില് ആയിരക്കണക്കിന് മനുഷ്യരാണ് കഴിയുന്നത്. ഈ സാഹചര്യത്തില് ഭരണസംവിധാനം കൂടുതല് ജാഗ്രതയോടെയും കാര്യക്ഷമതയോടെയും പ്രവര്ത്തിക്കേണ്ടതാണ്.
ദുരന്തബാധിതര്ക്ക് ഭക്ഷണം, കുടിവെള്ളം, മരുന്ന്, സുരക്ഷിത താമസം, നഷ്ടപരിഹാരം എന്നിവ കൃത്യമായി ഉറപ്പാക്കണം. അതോടൊപ്പം, ഉണ്ടായ വീഴ്ചകള് പരിശോധിച്ച് ആവര്ത്തിക്കാതിരിക്കാനുള്ള നടപടികളും സര്ക്കാര് സ്വീകരിക്കണം. ഈ പ്രതിസന്ധിയെ അതിജീവിക്കാന് സര്ക്കാര് സംവിധാനങ്ങളും തദ്ദേശ സ്ഥാപനങ്ങളും സന്നദ്ധ പ്രവര്ത്തകരും പൊതുസമൂഹവും ഒറ്റക്കെട്ടായി പ്രവര്ത്തിക്കണമെന്ന് അഭ്യര്ത്ഥിക്കുന്നു.
Content Highlight: Pinarayi Vijayan On Flood Relief and Allegation about opening Dam Without Proper Alerting