തിരുവനന്തപുരം: പാര്ട്ടിയെ അകമഴിഞ്ഞ് സനേഹിച്ച സഖാവായിരുന്നുവെന്ന് അന്തരിച്ച പി.കുഞ്ഞനന്തനെന്ന് മുഖ്യമന്ത്രി പിണറായി വിജയന് അനുസ്മരിച്ചു. ടി.പി ചന്ദ്രശേഖരന് വധകേസില് പ്രതിയായിരുന്ന കുഞ്ഞനന്തന് തിരുവനന്തപുരം മെഡിക്കല് കോളെജില് ചികിത്സയിലായിരുന്നു.
‘സി പി ഐ എം പാനൂർ ഏരിയ കമ്മിറ്റി അംഗം പി കെ കുഞ്ഞനന്തന്റെ നിര്യാണത്തിൽ
അഗാധമായ ദു:ഖം രേഖപ്പെടുത്തുന്നു. പാർട്ടിയെ അകമഴിഞ്ഞ് സ്നേഹിക്കുകയും പാർട്ടി പ്രവർത്തകരോടും സമൂഹത്തോടും കരുതൽ കാണിക്കുകയും ചെയ്ത സഖാവാണ് കുഞ്ഞനന്തൻ. പൊതു പ്രവർത്തകൻ എന്ന നിലയിൽ സമൂഹത്തിന്റെ അംഗീകാരം ഏറ്റുവാങ്ങിയ അദ്ദേഹം പാനൂർ മേഖലയിലെ എല്ലാ വിഭാഗം ജനങ്ങളാലും ആദരിക്കപ്പെട്ടു. സന്തപ്ത കുടുംബാംഗങ്ങളുടെ ദുഃഖത്തിൽ പങ്കു ചേരുന്നു.’-പിണറായി വിജയന്
കേസില് ശിക്ഷിക്കപ്പെട്ടതിനെ തുടര്ന്ന് ജാമ്യമെടുത്തായിരുന്നു ചികിത്സയില് കഴിഞ്ഞിരുന്നത്. ടി.പി കേസിലെ 13ാം പ്രതിയാണ് പികെ കുഞ്ഞനന്തന്.
സി.പി.ഐ.എം പാനൂര് ഏരിയ കമ്മിറ്റിയംഗമായിരുന്ന പി. കെ കുഞ്ഞനന്തന് 2014 ജനുവരിയിലാണ് ടി.പി വധക്കേസില് ജീവപര്യന്തം തടവിന് ശിക്ഷിക്കപ്പെട്ട് ജയിലിലായത്.
ഡൂള്ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക