ലഖ്നൗ: ഉത്തര്പ്രദേശ് നിയമസഭാ തെരഞ്ഞെടുപ്പിന് മുന്പായി പ്രതിപക്ഷ കക്ഷികളെ ഒന്നിപ്പിക്കാന് ബി.ജെ.പിയുടെ മുന് സഖ്യകക്ഷിയായ സുഹേല്ദേവ് ഭാരതീയ സമാജ് പാര്ട്ടി (എസ്.ബി.എസ്.പി.). ആം ആദ്മി, തൃണമൂല് കോണ്ഗ്രസ്, ശിവസേന നേതാക്കളുമായി ഇതിനോടകം ചര്ച്ച നടത്തിയെന്ന് പാര്ട്ടി അധ്യക്ഷന് ഓം പ്രകാശ് രാജ്ഭര് പറഞ്ഞു.
‘ശനിയാഴ്ച ആം ആദ്മി എം.പി. സഞ്ജയ് സിംഗുമായി സംസാരിച്ചിരുന്നു. അദ്ദേഹം അനുകൂലമായ നിലപാടാണ് സ്വീകരിച്ചത്. ഭാഗീദാരി സങ്കല്പ്പ് മോര്ച്ചയെന്ന മുന്നണിയുടെ ഭാഗമാകാന് അദ്ദേഹം സന്നദ്ധത അറിയിച്ചിട്ടുണ്ട്. കെജ്രിവാളാണ് ഇതില് അന്തിമ തീരുമാനമെടുക്കുക,’ രാജ്ഭര് പറഞ്ഞു.
ശിവസേനയുടെ സഞ്ജയ് റാവത്തുമായും തൃണമൂല് കോണ്ഗ്രസിന്റെ ജനറല് സെക്രട്ടറിയുമായും ഇതിനോടകം ഇക്കാര്യം ചര്ച്ച ചെയ്തിട്ടുണ്ടെന്നും അദ്ദേഹം കൂട്ടിച്ചേര്ത്തു. എ.ഐ.എം.ഐ.എമ്മും മുന്നണിയുടെ ഭാഗമാകും.
2017 ലെ ഉത്തര്പ്രദേശ് തെരഞ്ഞെടുപ്പില് എന്.ഡി.എ. സഖ്യത്തില് മത്സരിച്ച കക്ഷിയാണ് എസ്.ബി.എസ്.പി. എന്നാല് പിന്നീട് സഖ്യമുപേക്ഷിച്ചു. യോഗി മന്ത്രിസഭയില് അംഗമായിരുന്നു രാജ്ഭര്.
എട്ട് സീറ്റില് മത്സരിച്ച എസ്.ബി.എസ്.പി. നാല് സീറ്റിലാണ് വിജയിച്ചത്.
ഡൂള്ന്യൂസിന്റെ സ്വതന്ത്ര മാധ്യമപ്രവര്ത്തനത്തെ സാമ്പത്തികമായി സഹായിക്കാന് ഇവിടെ ക്ലിക്ക് ചെയ്യൂ
ഡൂള്ന്യൂസിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം
Content Highlight: Om Prakash Rajbhar in talks with AAP, TMC to form front to counter BJP ahead of UP polls