മലയാളികള്ക്ക് ഏറെ പ്രിയപ്പെട്ട നടിയാണ് നിത്യ മേനന്. കുറഞ്ഞ സിനിമകളിലൂടെ തന്നെ തെന്നിന്ത്യന് സിനിമയില് തന്റേതായ ഒരു സ്ഥാനം നേടാന് നടിക്ക് എളുപ്പത്തില് സാധിച്ചിരുന്നു. ബാലതാരമായിട്ടാണ് നിത്യ സിനിമാ മേഖലയില് എത്തിയത്.
2008ല് കെ.പി. കുമാരന് സംവിധാനം ചെയ്ത ആകാശഗോപുരം എന്ന മോഹന്ലാല് ചിത്രത്തിലൂടെയാണ് നടി മലയാളത്തില് ലീഡ് റോളില് എത്തുന്നത്. അതിനുശേഷം വിവിധ ഭാഷകളിലായി നിരവധി സിനിമകളുടെ ഭാഗമാകാന് നിത്യ മേനന് സാധിച്ചിരുന്നു.
ഇപ്പോള് നിത്യ നായികയായി എത്തുന്ന ഏറ്റവും പുതിയ ചിത്രമാണ് തലൈവന് തലൈവി. നടന് വിജയ് സേതുപതിയാണ് ഈ സിനിമയില് നായകനായി എത്തുന്നത്. അദ്ദേഹത്തിനൊപ്പമുള്ള നിത്യയുടെ രണ്ടാമത്തെ ചിത്രമാണ് ഇത്.
19(1)(എ) എന്ന മലയാള ചിത്രമായിരുന്നു അവരുടെ ആദ്യ സിനിമ. ഇപ്പോള് സുഹാസിനിക്ക് നല്കിയ അഭിമുഖത്തില് വിജയ് സേതുപതിയെ കുറിച്ച് പറയുകയാണ് നിത്യ മേനന്. തനിക്കും വിജയ്ക്കും ഇടയില് നല്ല റാപ്പോയുണ്ടെന്നാണ് അവര് പറയുന്നത്.
മറ്റുള്ളവരെ സഹായിക്കുന്നതില് വളരെ സന്തോഷിക്കുന്ന ആള് കൂടിയാണ് വിജയ് സേതുപതി സാര്. ഒരു സീന് ചെയ്യുമ്പോള് ‘നീ ഇങ്ങനെ ചെയ്തു നോക്കൂ. ഞാന് അങ്ങനെ ചെയ്യാം. നീ ഇങ്ങനെ പറഞ്ഞാല് ഞാന് മറുപടി അങ്ങനെ തരാം’ എന്നൊക്കെ പറയും. അത്രയും നമ്മളെ സഹായിക്കുന്ന ആളാണ് വിജയ് സേതുപതി,’ നിത്യ മേനന് പറയുന്നു.
നവാഗതയായ ഇന്ദു വി.എസ് രചനയും സംവിധാനവും നിര്വഹിച്ച് 2022ല് പുറത്തിറങ്ങിയ സിനിമയാണ് 19(1)(എ). നിത്യ മേനന് നായികയായി എത്തിയ സിനിമയില് വിജയ് സേതുപതി, ഇന്ദ്രജിത്ത് സുകുമാരന് എന്നിവരായിരുന്നു നായകന്മാരായി എത്തിയത്.
Content Highlight: Nithya Menen Talks About Vijay Sethupathi