മലയാള സിനിമാ പ്രേമികൾക്കിടയിൽ ഇപ്പോൾ ഏറ്റവും കൂടുതൽ ചർച്ച ചെയ്യപ്പെടുന്നത് യുവതാരം നസ്ലിൻ പങ്കുവെച്ച ഒരു വമ്പൻ സിനിമാ വിശേഷമാണ്. ആസിഫ് അലിയെ കേന്ദ്രകഥാപാത്രമാക്കി രോഹിത് വി.എസ്. സംവിധാനം ചെയ്യുന്ന ‘ടിക്കി ടാക്ക’ എന്ന ബിഗ് ബജറ്റ് ചിത്രത്തെക്കുറിച്ചുള്ള ചർച്ചകളും സോഷ്യൽ മീഡിയയിൽ സജീവമാകുകയാണ്.
ഈ ചിത്രം തന്റെ കരിയറിലെ തന്നെ ഏറ്റവും വലിയ പരീക്ഷണ ചിത്രമായിരിക്കുമെന്നും, ഇതിനെ ഇതിഹാസ വിജയമായി മാറിയ ‘കെ.ജി.എഫ്’ എന്ന സിനിമയോടാണ് ആസിഫ് അലി ഉപമിച്ചതെന്നും നസ്ലിൻ വെളിപ്പെടുത്തിയതോടെ ആരാധകർ വലിയ ആവേശത്തിലാണ്.\
ടിക്കി ടാക്ക.Photo:Imdb
‘കള’ എന്ന സൂപ്പർഹിറ്റ് ചിത്രത്തിന് ശേഷം രോഹിത് വി.എസ്. ഒരുക്കുന്ന ഈ ആക്ഷൻ വിഷ്വൽ സ്പെക്ടക്കിളിൽ ‘ജോൺ ഡെൻവർ’ എന്ന മാസ്സ് കഥാപാത്രത്തെയാണ് ആസിഫ് അലി അവതരിപ്പിക്കുന്നത്. നിലവിൽ തെന്നിന്ത്യൻ സിനിമയിൽ തിളങ്ങിനിൽക്കുന്ന വാമിഖ ഗബ്ബി, സഞ്ചന നടരാജൻ എന്നിവർക്കൊപ്പം ലുക്മാൻ അവറാൻ, നസ്ലിൻ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. സാധാരണയായി റിയലിസ്റ്റിക് വേഷങ്ങളിൽ തിളങ്ങാറുള്ള ആസിഫ് അലിയുടെ കരിയർ ഗ്രാഫ് തന്നെ മാറ്റിവരയ്ക്കുന്ന, പരീക്ഷണാത്മകമായ ഒരു ‘ലാർജർ ദാൻ ലൈഫ്’ ചിത്രമായിരിക്കും ഇതെന്ന് അണിയറപ്രവർത്തകർ ഉറപ്പുനൽകുന്നു.
കഥാപാത്രങ്ങളുടെ സസ്പെൻസ് നിറഞ്ഞ പേരുകളും വ്യത്യസ്തമായ ലുക്കുകളും ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു. ചിത്രത്തിന്റെ ഔദ്യോഗിക റിലീസ് തീയതി പ്രഖ്യാപിച്ചിട്ടില്ലെങ്കിലും, 2026 ൽ ചിത്രം തിയേറ്ററുകളിൽ എത്തിക്കാനാണ് നിർമ്മാതാക്കൾ ലക്ഷ്യമിടുന്നത്.
ടിക്കി ടാക്ക.Photo: OTT Play
മലയാള സിനിമ ആഗോളതലത്തിൽ വലിയ വിജയങ്ങൾ കൊയ്യുന്ന ഈ കാലഘട്ടത്തിൽ, മേക്കിങ്ങിലും കഥപറച്ചിലിലും വലിയ ക്രിയേറ്റീവ് റിസ്കുകൾ എടുത്താണ് ‘ടിക്കി ടാക്ക’ ഒരുങ്ങുന്നത്. ‘കെ.ജി.എഫ്’ നൽകിയ ആവേശം പകുതിയെങ്കിലും തിയേറ്ററുകളിൽ എത്തിക്കാൻ ഈ ചിത്രത്തിന് സാധിച്ചാൽ, മോളിവുഡിന്റെ ചരിത്രം തിരുത്തിക്കുറിക്കുന്ന അടുത്ത ഒരു വമ്പൻ ഗെയിം ചേഞ്ചറായി ടിക്കി ടാക്ക മാറും എന്നതിൽ സംശയമില്ല.
അതേസമയം നസ്ലെൻ നായകനായി അഭിനവ് സുന്ദർ നായക് സംവിധാനം ചെയ്യുന്ന ഏറ്റവും പുതിയ ചിത്രം ‘മോളിവുഡ് ടൈംസ്’ ജൂൺ 5 ന് തിയേറ്ററുകളിൽ എത്തും.
Content Highlight: Naslen says that Asif Ali’s movie Tiki Taka will be another KGF in Malayalam