ഓണം റിലീസായി തിയേറ്ററുകളിലെത്തുന്ന ചിത്രങ്ങളില് ഏറെ പ്രതീക്ഷയുള്ള സിനിമയാണ് മേനേ പ്യാര് കിയ. യുവതാരങ്ങളായ ഹൃദു ഹാറൂണ്, പ്രീതി മുകുന്ദന് എന്നിവരെ കേന്ദ്ര കഥാപാത്രങ്ങളാക്കി ഫൈസല് സംവിധാനം ചെയ്യുന്ന ചിത്രത്തിന്റെ ടീസര് അണിയറപ്രവര്ത്തകര് പുറത്തുവിട്ടു.
റൊമാന്റിക് കോമഡി ത്രില്ലര് ഴോണറിലാണ് ചിത്രമെന്നാണ് ടീസര് നല്കുന്ന സൂചനകള്. ഹൃദു ഹാറൂണ്, പ്രീതി മുകുന്ദന് എന്നിവര്ക്ക് പുറമെ അസ്കര് അലി, മിദൂട്ടി, അര്ജ്യോ എന്നിവരും മറ്റ് പ്രധാന വേഷത്തിലെത്തുന്നുണ്ട്. ചിത്രം ഓഗസ്റ്റ് 29ന് ഓണം റിലീസായി തിയേറ്ററുകളിലെത്തും.
മന്ദാകിനി എന്ന ചിത്രത്തിന് ശേഷം സ്പൈര് പ്രൊഡക്ഷന്സിന്റെ ബാനറില് സഞ്ജു ഉണ്ണിത്താനാണ് ചിത്രം നിര്മിക്കുന്നത്. മുറ എന്ന ചിത്രത്തിന് ശേഷം ഹൃദു ഹാറൂണ് നായകനാകുന്ന ചിത്രമാണിത്. ‘സ്റ്റാര്’ എന്ന തമിഴ് ചിത്രത്തിലെ നായികാ വേഷത്തിലൂടെയും ‘ആസൈ കൂടൈ’ എന്ന സൂപ്പര് ഹിറ്റ് മ്യൂസിക് വീഡിയോയിലെ പ്രകടനത്തിലൂടെയും ശ്രദ്ധ നേടിയ പ്രീതി മുകുന്ദന് മലയാളത്തില് നായികയായി അരങ്ങേറ്റം കുറിക്കുന്ന ചിത്രമെന്ന പ്രത്യേകതയും മേനേ പ്യാര് കിയക്കുണ്ട്.
ജിയോ ബേബി, ശ്രീകാന്ത് വെട്ടിയാര്, റിഡിന് കിംഗ്സിലി, ബിബിന് പെരുമ്പിള്ളി, ത്രികണ്ണന്, മൈം ഗോപി, ബോക്സര് ദീന, ജനാര്ദ്ദനന്, ജഗദീഷ് ജിവി റെക്സ്, എന്നിവരാണ് ചിത്രത്തിലെ മറ്റ് താരങ്ങള്. സംവിധായകനായ ഫൈസലിന്റെ കഥയില് ഫൈസല്, ബില്കെഫ്സല് എന്നിവര് ചേര്ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. ഇലക്ട്രോണിക് കിളിയാണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്. ഡോണ്പോള് ആണ് ഛായാഗ്രഹണം.
എഡിറ്റിങ്- കണ്ണന് മോഹന്, എക്സിക്യൂട്ടീവ് പ്രൊഡ്യൂസര്-ബിനു നായര്, പ്രൊഡക്ഷന് കണ്ട്രോളര്-ശിഹാബ് വെണ്ണല, കലാസംവിധാനം- സുനില് കുമാരന്, ചീഫ് അസ്സോസിയേറ്റ് ഡയറക്ടര്-രാജേഷ് അടൂര്, കോസ്റ്റ്യൂംസ്-അരുണ് മനോഹര്, മേക്കപ്പ്-ജിത്തു പയ്യന്നൂര്, സൗണ്ട് ഡിസൈന്-രംഗനാഥ് രവി, സംഘട്ടനം-കലൈ കിംങ്സണ്, പ്രൊജക്റ്റ് ഡിസൈനര്-സൗമ്യത വര്മ, ഡിഐ- ബിലാല് റഷീദ്, അസ്സോസിയേറ്റ് ഡയറക്ടര്-അശ്വിന് മോഹന്, ഷിഹാന് മുഹമ്മദ്, വിഷ്ണു രവി, സ്റ്റില്സ്-ഷൈന് ചെട്ടികുളങ്ങര, പ്രൊഡക്ഷന് എക്സിക്യൂട്ടിവ്-വിനോദ് വേണുഗോപാല്, ആന്റണി കുട്ടമ്പുഴ, ഡിസൈന്-യെല്ലോ ടൂത്സ്, വിതരണം- സ്പയര് പ്രൊഡക്ഷന്സ്, അഡ്മിനിസ്ട്രേഷന് ആന്റ് ഡിസ്ട്രിബൂഷന് ഹെഡ്-പ്രദീപ് മേനോന്, പി.ആര്.ഒ -എ. എസ് ദിനേശ്,ശബരി.
Content Highlight: Maine Pyar Kiya Movie Teaser Is Out