ഒറ്റപ്പാലം എന്.എസ്.എസ് കോളജ് യൂണിയന് കഴിഞ്ഞ വര്ഷം പുറത്തിറക്കിയ വിവാദ മാഗസിന്റെ സ്റ്റുഡന്റ് എഡിറ്ററായിരുന്നു അനന്തു. “ഒരു പേരില്ലാത്ത മാഗസിന്” എന്ന പേരിലിറങ്ങിയ മാഗസനെതിരെ ആര്.എസ്.എസിനെ വിമര്ശിച്ചതിന്റെ പേരില് സംഘപരിവാര് അനുകൂലികള് രംഗത്തെത്തിയിരുന്നു.
ബി.എ മാസ് കമ്മ്യൂണിക്കേഷനില് അവസാന അലോട്ട്മെന്റില് എട്ട് ഒഴിവുള്ളതില് മെറിറ്റില് മൂന്നാം റാങ്കുകാരനായാണ് അനന്തു അഡ്മിഷനെടുക്കാന് എത്തിയത്. എന്നാല് പ്രവേശനം നിഷേധിക്കുകയായിരുന്നു.
രാഷ്ട്രീയം നിരോധിച്ച കോളജില് അഡ്മിഷന് നല്കാനാകില്ലന്ന് പ്രിന്സിപ്പല് പറഞ്ഞതായി അനന്തു പറഞ്ഞു. തന്റെ അധികാരമുപയോഗിച്ചാണ് അഡ്മിഷന് നിഷേധിച്ചതെന്നും വേണമെങ്കില് അനന്തുവിന് കേരള സര്വ്വകലാശാലയെ സമീപിക്കാമെന്നും പ്രിന്സിപ്പല് കെ.ബി മനോജ് പറയുകയായിരുന്നു.
Related: മഹാഭാരതത്തെ വിമര്ശിച്ചതിന് സംഘപരിവാര് ഭീഷണി: “ഒരു പേരില്ലാത്ത മാഗസിന്” പിന്വലിച്ചു