ക്ലബ്ബ് ലോകകപ്പില് ഇന്റര് മയാമിയും പോര്ട്ടോയും തമ്മിലുള്ള പോരാട്ടം നടക്കാനാരിക്കുകയാണ്. ഇരു ടീമുകളും തങ്ങളുടെ ആദ്യ മത്സരത്തില് സമനില വഴങ്ങിയാണ് രണ്ടാം മത്സരത്തിനെത്തുന്നത്. അതുകൊണ്ടുതന്നെ ഇരുടീമുകളും ജയം ലക്ഷ്യം വെച്ചായിരിക്കും കളത്തില് ഇറങ്ങുന്നത്.
നിര്ണായകമായ മത്സരത്തില് ഇന്റര് മയാമി നായകന് ലയണല് മെസിയെ കാത്തിരിക്കുന്നത് ഒരു തകര്പ്പന് നേട്ടമാണ്. ടൂര്ണമെന്റിന്റെറെ ചരിത്രത്തിലെ ഏറ്റവും മികച്ച ഗോള് വേട്ടക്കാരനാവാനുള്ള അവസരമാണ് മെസിക്കുള്ളത്. മൂന്ന് ഗോളുകള് കൂടി നേടിയാല് മെസിക്ക് ഈ റെക്കോഡ് സ്വന്തമാക്കാന് സാധിക്കും.
നിലവില് അഞ്ച് ഗോളുകളാണ് മെസി ക്ലബ്ബ് വേള്ഡ് കപ്പില് നിന്ന് നേടിയത്. ടൂര്ണമെന്റില് ഏഴ് ഗോളുകളാണ് സൂപ്പര് താരം ക്രിസ്റ്റ്യാനോ റൊണാള്ഡോ നേടിയത്. റെക്കോഡ് പട്ടികയില് നിലവില് ഒന്നാം സ്ഥാനത്താണ് റോണോ. സീസണില് റൊണാള്ഡോ ക്ലബ്ബ് ലോകപ്പില് കളിക്കാത്തതിനാല് മെസിക്ക് ഈ നേട്ടം വളരെ എളുപ്പത്തില് എളുപ്പത്തില് തന്റെ പേരില് എഴുതിച്ചേര്ക്കാന് സാധിക്കും. കരിം ബെന്സിമ, ഗാരേത് ബെയില് എന്നിവര് ആറ് ഗോളുകളും ഈ ടൂര്ണമെന്റില് നേടിയിട്ടുണ്ട്.
ക്രിസ്റ്റിയാനോ റൊണാള്ഡോ – 7
കരീം ബെന്സേമ – 6
ഗാരേത് ബെയില് – 6
സീസര് ഡെല്ഗാഡോ – 5
ലയണല് മെസി – 5
അതേസമയം ഒരുമാസത്തോളം നീണ്ടുനില്ക്കുന്ന ടൂര്ണമെന്റില് ആറ് വന്കരകളില്നിന്ന് 32 ടീമുകളാണ് പങ്കെടുക്കുന്നത്. അമേരിക്കയിലെ 11 നഗരങ്ങളിലെ 12 വേദികളിലായിട്ടാണ് മത്സരങ്ങള് ഷെഡ്യൂള് ചെയ്തത്. ജൂലായ് 13നാണ് കിരീടപോരാട്ടം. 32 ടീമുകളെ എട്ടു ഗ്രൂപ്പുകളായി തരംതിരിച്ചാണ് മത്സരങ്ങള് ക്രമീകരിച്ചിരിക്കുന്നത്.
ഗ്രൂപ്പിലെ ആദ്യരണ്ട് സ്ഥാനക്കാര് പ്രീക്വാര്ട്ടറിലെത്തും. 2021 മുതല് 2024 വരെയുള്ള ക്ലബ് ഫുട്ബോളിലെ പ്രകടനത്തിന്റെ അടിസ്ഥാനത്തില്നിന്നാണ് ആദ്യ ആറ് ടീമുകളെ തെരഞ്ഞെടുത്തത്. യൂറോപ്പില് നിന്ന് 12 ടീമുകളും തെക്കേ അമേരിക്കയില്നിന്ന് ആറ് ടീമുകളുമുണ്ട്. ആഫ്രിക്ക, ഏഷ്യ, കോണ്കാകഫ് എന്നിവിടങ്ങളില്നിന്ന് നാലു ടീമുകള് വീതവും ഓഷ്യാനിയയില്നിന്ന് ഒരു ടീമും ടൂര്ണമെന്റില് ഉണ്ടാകും.
Content Highlight: Lionel Messi Need Three Goals To Achieve Great Record In Club World Cup