ന്യൂദല്ഹി: ലാവ്ലിന് കേസില് പിണറായി വിജയനെ കുറ്റവിമുക്തനാക്കിയ ഹൈക്കോടതി വിധിക്കെതിരെ സി.ബി.ഐ സുപ്രീം കോടതിയില് അപ്പീല് നല്കി. വിധിക്കെതിരെ സുപ്രീംകോടതിയെ സമീപിക്കാനുള്ള സമയപരിധി കഴിഞ്ഞ സാഹചര്യത്തില് ക്ഷമാപണം ഉള്പ്പെടെ ഡിലേ കണ്ടൊനേഷന് അപ്പീലാണ് സി.ബി.ഐ സുപ്രീംകോടതിയില് സമര്പ്പിച്ചത്.
ഓഗസ്റ്റ് 23 നായിരുന്നു ഹൈക്കോടതി പിണറായിയെ കുറ്റവിമുക്തനാക്കിയത്. ചട്ടമനുസരിച്ച് 90 ദിവസത്തിനകം വിധിക്കെതിരെ സുപ്രീം കോടതിയെ സമീപിക്കണം. ഈ കാലാവധി കഴിഞ്ഞ മാസം 21 നാണ് അവസാനിച്ചത്. പിണറായിയെ കുറ്റവിമുക്തനാക്കിയ വിധി തെറ്റാണെന്നും കേസില് പിണറായിക്കെതിരെ വ്യക്തമായ തെളിവുണ്ടെന്നും വൈദ്യുതമന്ത്രിയായിരുന്ന പിണറായി വിജയന് അറിയാതെ ലാവ്ലിന് ഇടപാട് നടക്കില്ലെന്നുമാണ് അപ്പീലില് സി.ബി.ഐ പറഞ്ഞിരിക്കുന്നത്.
പിണറായി വിജയന് വൈദ്യുതി മന്ത്രിയായിരിക്കെ പന്നിയാര്, ചെങ്കുളം, പള്ളിവാസല് എന്നീ ജലവൈദ്യുത നിലയങ്ങളുടെ നവീകരണത്തിന് പദ്ധതിയുണ്ടാക്കിയതില് 374 കോടിയുടെ നഷ്ടമുണ്ടായെന്നാണ് ലാവ്ലിന് കേസ്. കേസില് പിണറായി സാമ്പത്തിക നേട്ടമുണ്ടാക്കിയതായി സി.ബി.ഐ കുറ്റപത്രത്തില് ഇല്ലെന്ന് ചൂണ്ടിക്കാട്ടിയായിരുന്നു ഹൈക്കോടതി അദ്ദേഹത്തെ കുറ്റവിമുക്തനാക്കിയത്.
ഇടപാടില് പിണറായി വിജയന് സത്യസന്ധമല്ലാത്തതോ ദുരുദ്ദേശ്യമുള്ളതോ ആയ എന്ത് പങ്കാണുള്ളതെന്ന് വിശദീകരിക്കാന് സി.ബി.ഐക്ക് കഴിഞ്ഞില്ലെന്നും കോടതി പറഞ്ഞിരുന്നു. പിണറായിക്ക് പുറമേ മുന് ഊര്ജ സെക്രട്ടറി കെ. മോഹനചന്ദ്രന്, ഊര്ജ വകുപ്പ് മുന് ജോയിന്റ് സെക്രട്ടറി എ. ഫ്രാന്സിസ് എന്നിവരേയും ഹൈക്കോടതി കുറ്റവിമുക്തരാക്കിയിരുന്നു.
അതേസമയം കെ.എസ്.ഇ.ബി മുന് ചെയര്മാന് ആര്. ശിവദാസന്, മുന് ചീഫ്