തിരുവനന്തപുരം: ജെ.എന്.യു ആക്രമണത്തില് പ്രതികരണവുമായി എഴുത്തുകാരി കെ.ആര്. മീര. ഫേസ്ബുക്കിലൂടെയാണ് മീരയുടെ പ്രതികരണം.
ശ്രദ്ധ തിരിക്കലാണ് ഹിന്ദുത്വ രാഷ്ട്രീയത്തെ സംബന്ധിച്ചിടത്തോളം ജനാധിപത്യമെന്ന് മീര പറഞ്ഞു.
”മുന്നൂറ്റിയെഴുപതു മണ്ഡലങ്ങളിലെ തിരഞ്ഞെടുപ്പ് ക്രമക്കേടു സംബന്ധിച്ച കോടതി വിധി സാമ്പത്തികമാന്ദ്യത്തില് മുങ്ങി.
സാമ്പത്തിക മാന്ദ്യം പൗരത്വനിയമത്തില് മുങ്ങി.പൗരത്വനിയമത്തെ മുക്കിക്കൊല്ലാന് അതിലും വലിയ മനുഷ്യത്വമില്ലായ്മകള് വേണം.
അതുകൊണ്ട്, ജെ.എന്.യുവിലെ രക്തച്ചൊരിച്ചില് ഒരു തുടക്കം മാത്രം. ശ്രദ്ധ തിരിക്കലാണ് ഹിന്ദുത്വ രാഷ്ട്രീയത്തെ സംബന്ധിച്ചിടത്തോളം ജനാധിപത്യം. പക്ഷേ, എത്ര നാള് ഈ തന്ത്രം വിലപ്പോകും?” മീര ചോദിച്ചു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
ഞായറാഴ്ച്ച വൈകുന്നേരമാണ് ജെ.എന്.യു ക്യാംപസില് മുഖംമൂടി ധരിച്ച് ഒരു സംഘം ആളുകള് മാരകായുധങ്ങളുമായി എത്തിയത്. സംഘം സര്വ്വകലാശാലയിലെ വിദ്യാര്ത്ഥികള്ക്കും അധ്യാപകര്ക്കും നേരെ വലിയ രീതിയിലുള്ള അക്രമമായിരുന്നു അഴിച്ചുവിട്ടത്. സംഭവത്തിനു പിന്നില് എ.ബി.വി.പിയാണെന്ന് ജെ.എന്.യു വിദ്യാര്ത്ഥി യൂണിയന് ആരോപിച്ചിരുന്നു.
ജെ.എന്.യു സ്റ്റുഡന്റ്സ് യൂണിയന് പ്രസിഡന്റ് അയ്ഷേ ഗോഷും ജനറല് സെക്രട്ടറി സതീഷുമടക്കം നിരവധി വിദ്യാര്ത്ഥികള്ക്ക് അക്രമത്തില് ഗുരുതരമായി പരിക്കേറ്റിരുന്നു.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ