തിരുവനന്തപുരം: കേരളത്തില് ഇന്നും വ്യാപക മഴ തുടരും. ഒമ്പത് ജില്ലകളില് യെല്ലോ അലേര്ട്ട്. ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് മഴ മുന്നറിയിപ്പുള്ളത്. ഈ ജില്ലകളില് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്.
ഛത്തീസ്ഗഡിന് മുകളില് സ്ഥിതി ചെയ്യുന്ന ന്യൂനമര്ദമാണ് കേരളത്തിലെ മഴ ശക്തമാക്കുന്നത്.
ഛത്തീസ്ഗഡിനു മുകളില് ന്യൂനമര്ദ്ദം സ്ഥിതി ചെയ്യുന്നു. കേരളത്തില് അടുത്ത 5 ദിവസം നേരിയ/ഇടത്തരം മഴയ്ക്ക് സാധ്യത.
മത്സ്യത്തൊഴിലാളികള്ക്കായി ജാഗ്രതാനിര്ദേശവും കാലാവസ്ഥാ വകുപ്പ് പുറപ്പെടുവിച്ചിട്ടുണ്ട്. കേരള – ലക്ഷദ്വീപ് തീരങ്ങളില് ഇന്നും കര്ണാടക തീരത്ത് ഇന്നും നാളെയും മറ്റന്നാളും (29/08/25, 30/08/25, 31/08/25) മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Content Highlight: Kerala Weather update