ബോക്സ് ഓഫീസില്‍ കൊടുങ്കാറ്റായി കളക്ഷന്‍ റെക്കോഡുകള്‍ തൂത്തുവാരുകയാണ് നെല്‍സണ്‍ സംവിധാനം ചെയ്ത ജയിലര്‍ 2. തമിഴകത്തിന്റെ സ്റ്റാര്‍ഡത്തിന്റെ അവസാന വാക്കായ രജിനികാന്ത് നായകനായ ചിത്രം ഏഴ് ദിവസത്തിനുള്ളില്‍ അഞ്ഞൂറ് കോടി പിന്നിടുകയും തമിഴ്നാട്ടിലെ ഇന്‍ഡസ്ട്രി ഹിറ്റായി മാറുകയും ചെയ്തിരുന്നു. തമിഴ്നാടിന് പുറമെ സൗത്ത് ഇന്ത്യയിലെ തെലുങ്ക്, കന്നഡ, മലയാളം ടെറിട്ടറികളില്‍ നിന്നും അമ്പത് കോടി പിന്നിടുന്ന ചിത്രമായും ഇതിനോടകം ജയിലര്‍ 2 മാറിയിട്ടുണ്ട്.
ലിയോ, ജയിലര്‍ 2. Photo: X.com
പുതിയ റിപ്പോര്‍ട്ടുകള്‍ പ്രകാരം ആഗോളതലത്തില്‍ ചിത്രം 630 കോടിയോളം നേടുകയും വിജയ് ചിത്രം ലിയോയുടെ കളക്ഷന്‍ തകര്‍ക്കുകയും ചെയ്തിരുന്നു. ആഗോളതലത്തില്‍ മാത്രമല്ല കേരളത്തിലും ലിയോയുടെ കളക്ഷനെ ജയിലര്‍ 2 തകര്‍ത്തിരുന്നു. കേരളത്തില്‍ നിന്നും ഏറ്റവും കൂടുതല്‍ കളക്ഷന്‍ നേടുന്ന തമിഴ് ചിത്രം എന്ന റെക്കോഡായിരുന്നു ലിയോയില്‍ നിന്നും ജയിലര്‍ 2 തട്ടിയെടുത്തത്.
ലോകേഷ് സംവിധാനം ചെയ്ത് വിജയ് നായകനായെത്തിയ ചിത്രം 60 കോടിയായിരുന്നു കേരളത്തില്‍ നിന്നും സ്വന്തമാക്കിയത്. എന്നാല്‍ കുറഞ്ഞ ദിവസങ്ങള്‍ കൊണ്ട് ജയിലര്‍ 2 ഈ റെക്കോര്‍ഡ് 60 കോടിയോളമാണ് കേരളത്തില്‍ നിന്നും നേടിയിട്ടുള്ളത്. കേരളത്തില്‍ നിന്നും നൂറ് കോടി നേടുന്ന ആദ്യത്തെ ചിത്രമാകാന്‍ ജയിലര്‍ 2വിന് സാധിക്കുമോ എന്നാണ് ഏവരും ഇപ്പോള്‍ ഉറ്റുനോക്കുന്നത്.
കേരള ബോക്സ് ഓഫീസില്‍ ജയിലര്‍ 2 പിടിമുറുക്കിയതോടെ പോസിറ്റീവ് റെസ്‌പോണ്‍സ് കിട്ടിയ മലയാള ചിത്രങ്ങള്‍ക്ക് ബോക്സ് ഓഫീസില്‍ നിന്നും ഒന്നും ചെയ്യാനില്ലാതെ പോകുകയാണെന്ന സൂചനയാണ് കഴിഞ്ഞ ദിവസത്തെ കളക്ഷന്‍ റിപ്പോര്‍ട്ടുകള്‍ നല്‍കുന്നത്. ഈയാഴ്ച റിലീസായ കുഞ്ചാക്കോ ബോബന്‍-വിനായകന്‍ സ്റ്റാറര്‍ ടൈറ്റന്‍സും ശ്രീനാഥ് ഭാസി നായകനായ ഒറിജിനലും ജയിലര്‍ 2വിനെക്കാള്‍ ബഹുദൂരം പിന്നിലാണ്.
ടൈറ്റന്‍സ്. Photo: X.com
പ്രിന്‍സ് ജോയ് സംവിധാനം ചെയ്ത് തിയേറ്ററുകളിലെത്തിയ ടൈറ്റന്‍സ് കഴിഞ്ഞ ദിവസം നേടിയത് 41 ലക്ഷം മാത്രമാണ്. ജയസൂര്യയ്ക്കും വിനായകനും പുറമെ ഇന്ദ്രന്‍സ്, സണ്ണി വെയ്ന്‍, ബേബി ജീന്‍, സുരേഷ് കൃഷ്ണ തുടങ്ങി വലിയ താരനിരയായിരുന്നു ചിത്രത്തില്‍ അണിനിരന്നത്. അതേസമയം ആദ്യദിനം മുതല്‍ തന്നെ പോസിറ്റീവ് റെസ്‌പോണ്‍സ് കിട്ടിയ ചിത്രമായിരുന്നു റമീസ് തിരക്കഥയെഴുതി സംവിധാനം ചെയ്ത ഒറിജിനല്‍. ടൈം ട്രാവല്‍ പശ്ചാത്തലമാക്കി ഒരുക്കിയ ചിത്രത്തിന് 15 ലക്ഷം മാത്രമാണ് കളക്ഷനായി ലഭിച്ചിരിക്കുന്നത്. വ്യത്യസ്തമായ കഥാപശ്ചാത്തലമായിട്ടും ഇരുചിത്രങ്ങള്‍ക്കും വേണ്ട സ്വീകാര്യത മലയാളി ഓഡിയന്‍സ് നല്‍കുന്നില്ലെന്ന് പലരും അഭിപ്രായപ്പെടുന്നു.
Content Highlight: Kerala Box office collection comparing with Orijinal and Titans movies