കോഴിക്കോട്: ഐ.എസ്.എല്ലിന്റെ തുടക്കം മുതലെ സംഘാടകരെയും ഫുട്ബാള് നിരീക്ഷികരയെും അത്ഭുതപ്പെടുത്തിയ ടീമാണ് കേരള ബ്ലാസ്റ്റേഴ്സും ബ്ലാസ്റ്റേഴ്സിന്റെ ആരാധകരും. കൊച്ചിയില് ടീമിനെ പിന്തുണച്ച് വരുന്ന കാണികളുടെ എണ്ണം ഏറെ ചര്ച്ച ചെയ്യപ്പെട്ടതാണ്.
അതോടൊപ്പം ട്വിറ്ററിലും റെക്കോഡിട്ടിരിക്കുകയാണ് സച്ചിന്റെ സ്വന്തം ടീമായ ബ്ലാസ്റ്റേഴ്സ്. ഐ.എസ്.എല്ലിന്റെ ഔദ്യോഗിക ട്വിറ്റര് അക്കൗണ്ടിനേക്കാള് ഫോളോവേഴ്സാണ് കേരള ബ്ലാസ്റ്റേഴ്സിന്റെ ട്വിറ്റര് അക്കൗണ്ടിനുള്ളത്.
ഐ.എസ്.എല്ലിന്റെ ഔദ്യോഗിക ട്വിറ്റര് അക്കൗണ്ടിന് 506k ഫോളോവേഴ്സാണുള്ളത്. എന്നാല് 980K പേരാണ് കേരളാ ബ്ലാസ്റ്റേഴ്സിന്റെ ട്വിറ്റര് അക്കൗണ്ട് ഫോളോ ചെയ്യുന്നത്.
രണ്ട് തവണ കൊല്ക്കത്തയോട് ഫൈനലില് തോറ്റ ബ്ലാസ്റ്റേഴ്സ് ഇത്തവണ തികഞ്ഞ ആത്മവിശ്വാസത്തിലാണ്. ഐ.എസ്.എല്ലിലെ ഗോള് വേട്ടക്കാരനായ ഇയാന് ഹ്യൂമിനെ തിരികെയെത്തിച്ചതും ബ്ലാസ്റ്റേഴ്സിന്റെ നേട്ടമാണ്. റെനെ മ്യൂള്സ്റ്റൈനാണ് ബ്ലാസ്റ്റേഴ്സിന്റെ പരിശീലകന്.