തിരുവനന്തപുരം:സി.എം.പി നേതാവ് കെ.ആര് അരവിന്ദാക്ഷനെ കെ.എഫ്.സി ചെയര്മാനാക്കണമെന്ന യു.ഡി.എഫ് നിര്ദേശം ധനമന്ത്രി കെ.എം മാണി തള്ളി.[]
കെ.എം അരവിന്ദാക്ഷനെ കെ.എഫ്.സിയുടെ ചെയര്മാനാക്കണമെന്ന് ആവശ്യപ്പെട്ട് കെ.പി.സി.സി മാണിക്ക് കത്ത് നല്കിയിരുന്നു.
എന്നാല് ഇത് അംഗീകരിക്കാന് മാണി തയ്യാറായില്ല. താന് മറ്റൊരാള്ക്ക് വാക്കു കൊടുത്തിട്ടുണ്ടെന്നും അരവിന്ദാക്ഷനെ ഈ സ്ഥാനത്തേക്ക് നിയമിക്കാനാകില്ലെന്നും മാണി മന്ത്രിസഭയെ അറിയിച്ചു.
ഛത്തീസ്ഗഡ് മുന് ചീഫ് സെക്രട്ടറി ജോയി ഉമ്മനെയാണ് മാണി ഈ സ്ഥാനത്തേക്കായി നിര്ദേശിച്ചിട്ടുള്ളത്. ഇദ്ദേഹത്തിന് വാക്കു കൊടുത്തിട്ടുണ്ടെന്നും മാണി വ്യക്തമാക്കി.
യു.ഡി.എഫ് തീരുമാനം അംഗീകരിക്കാന് തയ്യാറാകാത്ത മാണിയുടെ നിലപാടിനെതിരെ വന് പ്രതിഷേധമാണ് ഉണ്ടായിരിക്കുന്നത്. സി.എം.പിയെ യു.ഡി.എഫിനുള്ളില് തഴയുന്ന സമീപനമാണ് മാണി സ്വീകരിക്കുന്നതെന്നും യു.ഡി.എഫ് അഭിപ്രായപ്പെട്ടു.