കൊച്ചി: ഐസ്ക്രീം പാര്ലര് കേസില് വാദം കേള്ക്കുന്നതില്നിന്ന് ഹൈക്കോടതി ജഡ്ജി പിന്മാറി. ജസ്റ്റിസ് അലക്സാണ്ടര് തോമസാണു പിന്മാറിയത്.
കേസ് അട്ടിമറിച്ചെന്നാരോപിച്ച് വി.എസ് അച്യുതാനന്ദന് നല്കിയ ഹര്ജിയില് വാദം കേള്ക്കുന്നതില്നിന്നാണ് അദ്ദേഹം പിന്മാറിയത്.
എന്തുകൊണ്ടാണു പിന്മാറിയതെന്ന കാര്യം അദ്ദേഹം വ്യക്തമാക്കിയിട്ടില്ല. ഇന്നു രാവിലെ വി.എസിന്റെ അഭിഭാഷകരടക്കം കേസ് ലിസ്റ്റ് ചെയ്തിട്ടില്ലെന്നും അടുത്തദിവസം ലിസ്റ്റ് ചെയ്യണമെന്നും ആവശ്യപ്പെട്ടിരുന്നു. കേസാണെന്ന് അപ്പോള് കോടതി പരിശോധിക്കുകയും തുടര്ന്നാണു താന് പിന്മാറുകയാണെന്നു ജഡ്ജി തുറന്ന കോടതിയില് അറിയിച്ചത്. ഹര്ജി മറ്റൊരു ബെഞ്ച് പരിഗണിക്കും.