ഇന്ത്യ-ഇംഗ്ലണ്ട് ടെസ്റ്റ് പരമ്പരയ്ക്കാണ് ക്രിക്കറ്റ് ആരാധകര് കാത്തിരിക്കുന്നത്. അഞ്ച് മത്സരങ്ങളടങ്ങുന്ന പരമ്പര ജൂണ് 20നാണ് ആരംഭിക്കുന്നത്. പരമ്പരയ്ക്കുള്ള സ്ക്വാഡ് നേരത്തെ ബി.സി.സി.ഐ പ്രഖ്യാപിച്ചിരുന്നു. ശുഭ്മന് ഗില്ലിനെ ടെസ്റ്റ് ക്യാപ്റ്റന്സി ഏല്പ്പിച്ചാണ് ഇന്ത്യ പുതിയ ടെസ്റ്റ് ചാമ്പ്യന്ഷിപ്പ് സൈക്കിള് ആരംഭിക്കുന്നത്.
രോഹിത് ശര്മയുടേയും വിരാട് കോഹ്ലിയുടേയും വിരമിക്കലിന് ശേഷം ഇന്ത്യന് ടീമില് സീനിയര് കളിക്കാരായി ഉള്ളത് രവീന്ദ്ര ജഡേജയും ജസ്പ്രീത് ബുംറയുമാണ്. ഇംഗ്ലണ്ടിനെതിരെ തയ്യാറെടുക്കുമ്പോള് ഇന്ത്യയുടെ പ്രധാന കരുത്ത് ബുംറ തന്നെയാണ്.
ഇപ്പോള് ബുംറയെക്കുറിച്ച് സംസാരിക്കുകയാണ് ഇംഗ്ലണ്ടിന്റെ സൂപ്പര് ബാറ്റര് ജോസ് ബട്ലര്. ബുംറയെക്കാള് വലിയ മറ്റാരും ഇന്ത്യന് സ്ക്വാഡില് ഇല്ലെന്ന് ബട്ലര് പറഞ്ഞു. ബാറ്ററെ അസ്വസ്തതപ്പെടുത്തുന്ന ബൗളിങ്ങാണ് ബുംറയുടേതെന്നും അന്താരാഷ്ട്ര ക്രിക്കറ്റില് മികച്ച നിലവാരമാണ് ബുംറയുടെ ബൗളിങ്ങെന്നും അദ്ദേഹം പറഞ്ഞു. മാത്രമല്ല ഇംഗ്ലണ്ടിന് വിജയിക്കണമെങ്കില് കൈകാര്യം ചെയ്യേണ്ട ഒരു താരമാണ് ബുംറയെന്നും ജോസ് കൂട്ടിച്ചേര്ത്തു.
‘ജസ്പ്രീത് ബുംറയെക്കാള് വലിയ മറ്റാരും ആ ടൂറിങ് സ്ക്വാഡില് ഉണ്ടെന്ന് ഞാന് കരുതുന്നില്ല. അവന് നിങ്ങള്ക്കെതിരെ അസ്വസ്തമായ ആംഗിളില് പന്തെറിയും. അവന്റെ റണ്അപ്പ് വ്യത്യസ്തമാണ്, അവന്റെ ആക്ഷന് വ്യത്യസ്തമാണ്. ഞാന് സൈഡ്ഓണ് ബൗളര്മാരെ കണ്ടിട്ടുണ്ട്, പക്ഷേ ബുംറ വളരെ വ്യത്യസ്തനാണ്.
അദ്ദേഹം ഒരു സൂപ്പര് സ്റ്റാര് ബൗളറാണ്, അന്താരാഷ്ട്ര ക്രിക്കറ്റില് നിങ്ങള് പ്രതീക്ഷിക്കുന്ന നിലവാരമാണിത്. ഉയര്ന്ന നിലവാരമുള്ള കളിക്കാരെ നേരിടേണ്ടിവരും, വിജയിക്കാന് ഇംഗ്ലണ്ട് നന്നായി കൈകാര്യം ചെയ്യേണ്ട ഒരാളാണ് ബുംറ,’ ജോസ് ബട്ലര് പറഞ്ഞു.
ശുഭ്മന് ഗില് (ക്യാപ്റ്റന്), റിഷബ് പന്ത് (വൈസ് ക്യാപ്റ്റന്, വിക്കറ്റ് കീപ്പര്), യശസ്വി ജെയ്സ്വാള്, കെ. എല്. രാഹുല്, സായ് സുദര്ശന്, അഭിമന്യു ഈശ്വരന്, കരുണ് നായര്, നിതീഷ് കുമാര് റെഡ്ഡി, രവീന്ദ്ര ജഡേജ, ധ്രുവ് ജുറെല് (വിക്കറ്റ് കീപ്പര്), വാഷിങ്ടണ് സുന്ദര്, ഷര്ദുല് താക്കൂര്, ജസ്പ്രീത് ബുംറ, മുഹമ്മദ് സിറാജ്, പ്രസീദ് കൃഷ്ണ, ആകാശ് ദീപ്, അര്ഷ്ദീപ് സിങ്, കുല്ദീപ് യാദവ്
ബെന് സ്റ്റോക്സ് (ക്യാപ്റ്റന്), ഷൊയ്ബ് ബഷീര്, ജേക്കബ് ബെത്തല്, ഹാരി ബ്രൂക്ക്, ബ്രൈഡന് കാര്സി, സാം കുക്ക്, സാക്ക് ക്രോളി, ബെന് ഡക്കറ്റ്, ജെയ്മി ഓവര്ട്ടണ്, ഒല്ലി പോപ്പ്, ജോ റൂട്ട്, ജെയ്മി സ്മിത്, ജോഷ് ടോങ്, ക്രിസ് വോക്സ്
Content Highlight: Jos Buttler Talking About Indian Star Bowler Jasprit Bumrah