ഐ.പി.എല്ലില് ഇന്ന് നടക്കാനിരിക്കുന്ന മത്സരത്തില് റോയല് ചലഞ്ചേഴ്സ് ബെംഗളൂരുവും ചെന്നൈ സൂപ്പര് കിങ്സുമാണ് ഏറ്റുമുട്ടുന്നത്. ബെംഗളൂരുവിന്റെ സ്വന്തം തട്ടകമായ എം. ചിന്നസ്വാമി സ്റ്റേഡിയത്തില് നടക്കുന്ന മകത്സരത്തില് അഭിമാന ജയത്തിന് വേണ്ടിയാണ് ചെന്നൈ ഇറങ്ങുന്നത്.
അതേസമയം കഴിഞ്ഞ മത്സരത്തില് പഞ്ചാബിനോട് പരാജയപ്പെട്ട് സീസണില് നിന്ന് പുറത്തായിരുന്നു. 10 മത്സരങ്ങളില് നിന്ന് രണ്ട് മത്സരങ്ങള് മാത്രമാണ് ചെന്നൈക്ക് വിജയിക്കാന് സാധിച്ചത്. ബെംഗളൂരുവിനെതിരെയുള്ള മത്സരത്തിന് മുമ്പ് ചെന്നൈ ടീമിന്റെ ബാറ്റങ് കോച്ചായ മൈക്കല് ഹസി സംസാരിച്ചിരുന്നു.
സീസണ് മോശമായതുകൊണ്ട് പരിഭ്രാന്തപ്പെടുന്നില്ലെന്നും മെച്ചപ്പെടേണ്ട മേഖലകള് ഉണ്ടെന്നും ഹസി പറഞ്ഞു. വിജയിക്കാന് സാധിക്കുമായിരുന്ന മൂന്ന് മത്സരങ്ങളില് പരാജയപ്പെട്ടില്ലായിരുന്നെങ്കില് ആദ്യ നാല് സ്ഥാനങ്ങളില് ചെന്നൈ ഇംടം നേടുമായിരുന്നെന്നും മുന് താരം പറഞ്ഞു.
‘ഈ വര്ഷം നന്നായി പോയില്ല എന്നതുകൊണ്ട് ഞങ്ങള് പരിഭ്രാന്തരാകുകയോ എല്ലാം ഉപേക്ഷിക്കുകയോ ചെയ്യില്ല, എന്നിരുന്നാലും, മെച്ചപ്പെടുത്തേണ്ട ചില മേഖലകളുണ്ട്. ഞങ്ങള് പട്ടികയില് ഏറ്റവും താഴെയാണെന്നും കൂടുതല് മത്സരങ്ങള് ജയിച്ചിട്ടില്ലെന്നും എനിക്കറിയാം, പക്ഷേ ഞങ്ങള് ഒരുപാട് അകലെയാണെന്ന് ഞാന് കരുതുന്നില്ല.
ഞങ്ങളുടെ ടീമില് ചില മാച്ച് വിന്നര്മാരുണ്ട്, ലീഗിലെ ഏത് ടീമുമായും ഞങ്ങള്ക്ക് തീര്ച്ചയായും മത്സരിക്കാന് കഴിയും. ഞങ്ങള്ക്ക് ജയിക്കാന് കഴിയുമായിരുന്ന മൂന്ന് മത്സരങ്ങളെക്കുറിച്ച് എനിക്ക് ചിന്തിക്കാന് കഴിയും, അങ്ങനെ സംഭവിച്ചിരുന്നെങ്കില്, ഞങ്ങള് ആദ്യ നാല് സ്ഥാനങ്ങളില് ഇടം നേടിയേനെ. ഈ മത്സരത്തില് വിജയ മാര്ജിനുകള് വലുതല്ല,’ ഹസി പറഞ്ഞു.
നിലവില് മൂന്നാം സ്ഥാനത്തുള്ള ബെംഗളൂരു വിജയം തുടര്ന്ന് പോയിന്റ് ടേബിളില് മുന്നേറാനാണ് ലക്ഷ്യമിടുന്നത്. 10 മത്സരങ്ങളില് നിന്ന് ഏഴ് വിജയവും മൂന്ന് തോല്വിയും ഉള്പ്പെടെയാണ് ബെംഗളൂരു കിരീടത്തിലേക്ക് നടന്നടുക്കുന്നത്. ഇത്തവണ രജത് പാടിദാറിന്റെ നേതൃത്വത്തില് ബെംഗളൂരു കിരീടം സ്വന്തമാക്കുമെന്നാണ് ആരാധകരും വിശ്വസിക്കുന്നത
Content Highlight: IPL 2025: Michael Hussey Talking About Chennai Super Kings