ഇന്ത്യഇംഗ്ലണ്ട് ടെസ്റ്റ് പരമ്പരക്കാണ് ക്രിക്കറ്റ് ആരാധകര് കാത്തിരിക്കുന്നത്. പരമ്പരയ്ക്കുള്ള സ്ക്വാഡ് നേരത്തെ ബി.സി.സി.ഐ പ്രഖ്യാപിച്ചിരുന്നു. ശുഭ്മന് ഗില്ലിനെ ടെസ്റ്റ് ക്യാപ്റ്റന്സി ഏല്പ്പിച്ചാണ് ഇന്ത്യ പുതിയ ടെസ്റ്റ് ചാമ്പ്യന്ഷിപ്പ് സൈക്കിള് ആരംഭിക്കുന്നത്. മാത്രമല്ല വൈസ് ക്യാപ്റ്റനായി റിഷബ് പന്തിനെയാണ് തെരഞ്ഞെടുത്തത്. അഞ്ച് മത്സരങ്ങളടങ്ങുന്ന പരമ്പര ജൂണ് 20നാണ് ആരംഭിക്കുന്നത്.
എന്നാല് ഇംഗ്ലണ്ടിനെതിരെയുള്ള പരമ്പരയ്ക്ക് മുന്നോടിയായി സൂപ്പര് താരങ്ങളായ രോഹിത് ശര്മയുടേയും വിരാട് കോഹ്ലിയുടേയും വിരമിക്കല് ഇന്ത്യയ്ക്ക് വലിയ തിരിച്ചടിയായിരുന്നു. ഇപ്പോള് ഇംഗ്ലണ്ട് ടെസ്റ്റിന് തയ്യാറെടുക്കുന്ന യുവ ഇന്ത്യന് ടീമിനെയും വിരാട് കോഹ്ലിയേയും കുറിച്ച് സംസാരിക്കുകയാണ് ഇംഗ്ലണ്ട് ബാറ്റര് ഒല്ലി പോപ്പ്.
‘ഇതൊരു യുവ ടീമാണ്, എന്നിരുന്നാലും ഈ ഇന്ത്യന് കളിക്കാര്ക്ക് വളരെയധികം ആഴവും കഴിവുമുണ്ട്. അവര്ക്ക് ധാരാളം യുവതാരങ്ങളുണ്ട്. അവരുടെ പുതിയ ക്യാപ്റ്റനായ ശുഭ്മാന് ഗില് അസാധാരണ പ്രതിഭയാണ്. സ്ലിപ്പില് വിരാട് കോഹ്ലിയുടെ സാന്നിധ്യവും അദ്ദേഹത്തിന്റെ നിരന്തരമായ കളിയാക്കലുകളും അവര്ക്ക് നഷ്ടമാകുമെങ്കിലും, ടീമിനുള്ളില് അവര്ക്ക് ഇപ്പോഴും ധാരാളം കഴിവുകളുണ്ട്, അതിനാല് അവര്ക്ക് ആത്മവിശ്വാസമുണ്ടാകും. എന്നാല് ഞങ്ങളുടെ കളിക്കാര് വെല്ലുവിളിക്ക് നന്നായി തയ്യാറാണ്.
ഇന്ത്യയുമായി കളിക്കുന്നത് ഞങ്ങള്ക്ക് ഒരു മികച്ച അവസരമാണ്. കഴിഞ്ഞ വേനല്ക്കാലത്ത് ഞങ്ങള് വെസ്റ്റ് ഇന്ഡീസിനെയും ശ്രീലങ്കയെയും നേരിട്ടു, എന്നാല് മികച്ച നിലവാരമുള്ള ഇന്ത്യയെ നേരിടുമ്പോള് ഞങ്ങളുടെ ചുമതല വലുതായിരിക്കും. അത് ശരിക്കും ആവേശകരമായിരിക്കും,’ പോപ്പ് പറഞ്ഞു.
ശുഭ്മന് ഗില് (ക്യാപ്റ്റന്), റിഷബ് പന്ത് (വൈസ് ക്യാപ്റ്റന്, വിക്കറ്റ് കീപ്പര്), യശസ്വി ജെയ്സ്വാള്, കെ. എല്. രാഹുല്, സായ് സുദര്ശന്, അഭിമന്യു ഈശ്വരന്, കരുണ് നായര്, നിതീഷ് കുമാര് റെഡ്ഡി, രവീന്ദ്ര ജഡേജ, ധ്രുവ് ജുറെല് (വിക്കറ്റ് കീപ്പര്), വാഷിങ്ടണ് സുന്ദര്, ഷര്ദുല് താക്കൂര്, ജസ്പ്രീത് ബുംറ, മുഹമ്മദ് സിറാജ്, പ്രസീദ് കൃഷ്ണ, ആകാശ് ദീപ്, അര്ഷ്ദീപ് സിങ്, കുല്ദീപ് യാദവ്
ബെന് സ്റ്റോക്സ് (ക്യാപ്റ്റന്), ഷൊയ്ബ് ബഷീര്, ജേക്കബ് ബെത്തല്, ഹാരി ബ്രൂക്ക്, ബ്രൈഡന് കാര്സി, സാം കുക്ക്, സാക്ക് ക്രോളി, ബെന് ഡക്കറ്റ്, ജെയ്മി ഓവര്ട്ടണ്, ഒല്ലി പോപ്പ്, ജോ റൂട്ട്, ജെയ്മി സ്മിത്, ജോഷ് ടോങ്, ക്രിസ് വോക്സ്
Content Highlight: INDIA VS ENGLAND: Ollie Pope Talking About Virat Kohli And Indian Team