ഇന്ത്യയും ഇംഗ്ലണ്ടും തമ്മിലുള്ള അഞ്ചാമത്തെയും അവസാനത്തെയും മത്സരം ദി ഓവലില് നടക്കുകയാണ്. നിര്ണായക ടെസ്റ്റില് ഇന്ത്യ വിജയത്തില് കുറഞ്ഞ മറ്റൊന്നും പ്രതീക്ഷിക്കുന്നില്ല. നിലവില് 2-1ന് മുന്നിലുള്ള പരമ്പരയില് വിജയം സ്വന്തമാക്കി സമനില നേടാനാണ് ശുഭ്മന് ഗില്ലിന്റെ നേതൃത്വത്തില് ഇന്ത്യ ലക്ഷ്യമിടുന്നത്.
നിലവില് മത്സരത്തില് ടോസ് നഷ്ടപ്പെട്ട ഇന്ത്യയെ ഇംഗ്ലണ്ട് ബാറ്റിങ്ങിന് അയച്ചിരിക്കുകയാണ്. തുടര്ച്ചയായ 15ാം തവണയാണ് ഇന്ത്യക്ക് ഒരു അന്താരാഷ്ട്ര മത്സരത്തില് ടോസ് നഷ്ടപ്പെടുന്നത്.വലിയ മാറ്റങ്ങളാണ് ഇന്ത്യയുടെ തങ്ങളുടെ ബൗളിങ് യൂണിറ്റില് ആകാശ് ദീപും പ്രസിദ്ധ് കൃഷ്ണയും മുഹമ്മദ് സിറാജും തിരിച്ചെത്തിയിട്ടുണ്ട്. ബുംറയുടെ വിടവ് നികത്താന് മൂന്ന് പേസര്മാര്ക്കും സാധിക്കുമെന്നാണ് ആരാധകര് വിശ്വസിക്കുന്നത്.
ഇപ്പോള് ഇന്ത്യന് പേസര് സിറാജിനെക്കുറിച്ച് സംസാരിക്കുകയാണ് മുന് പ്രോട്ടിയാസ് പേസര് ഡെയ്ല് സ്റ്റെയ്ന്. മത്സരത്തില് സിറാജ് അഞ്ച് വിക്കറ്റ് നേടുമെന്നാണ് മുന് താരം പറഞ്ഞത്. തന്റെ എക്സ് അക്കൊണ്ടില് പോസ്റ്റ് പങ്കുവെച്ചാണ് സ്റ്റെയ്ന് സിറാജിന് ആശംസ അറിയിച്ചത്.
പരമ്പരയിലെ ഏഴ് ഇന്നിങ്സുകളില് നിന്ന് 39.71 ശരാശരിയില് 14 വിക്കറ്റുകള് വീഴ്ത്തിയാണ് സിറാജ് മുന്നേറുന്നത്. ഓവലിലും താരത്തിന്റെ മികച്ച പ്രകടനം കാഴ്ചവെക്കാന് സാധിക്കുമെന്നാണ് ആരാധകര് വിശ്വസിക്കുന്നത്. നിലവില് മത്സരം തുടങ്ങി 13 ഓവര് പൂര്ത്തിയായപ്പോള് ഒരു വിക്കറ്റ് നഷ്ടത്തില് 36 റണ്സ് എന്ന നിലയിലാണ് ഇന്ത്യ. ഓപ്പണര് യശസ്വി ജെയ്സ്വാളിനെ രണ്ട് റണ്സിനാണ് ഇന്ത്യയ്ക്ക് നഷ്ടമായത്. ഗസ് ആറ്റ്കിങ്സനാണ് വിക്കറ്റ്. ക്രീസിലുള്ളത് കെ.എല്. രാഹുലും (13), സായി സുദര്ശനുമാണ്.
യശസ്വി ജെയ്സ്വാള്, കെ.എല്. രാഹുല്, സായ് സുദര്ശന്, ശുഭ്മന് ഗില് (ക്യാപ്റ്റന്), കരുണ് നായര്, രവീന്ദ്ര ജഡേജ, ധ്രുവ് ജൂറല്(വിക്കറ്റ് കീപ്പര്), വാഷിങ്ടണ് സുന്ദര്, ആകാശ് ദീപ്, പ്രസീദ് കൃഷ്ണ, മുഹമ്മദ് സിറാജ്
സാക്ക് ക്രോളി, ബെന് ഡക്കറ്റ്, ഒല്ലി പോപ്പ്(ക്യാപ്റ്റന്), ജോ റൂട്ട്, ഹാരി ബ്രൂക്ക്, ജേക്കബ് ബെഥേല്, ജെയ്മി സ്മിത്ത്( വിക്കറ്റ് കീപ്പര്), ക്രിസ് വോക്സ്, ഗസ് ആറ്റ്കിന്സണ്, ജെയ്മി ഓവര്ട്ടണ്, ജോഷ് ടങ്.