തിരുവനന്തപുരം: സംസ്ഥാനത്ത് അള്ട്രാവയലറ്റ് വികിരണ തോത് ക്രമാതീതമായി ഉയരുന്നു. ഇന്ന് അഞ്ചിടത്ത് യെല്ലോ അലേര്ട്ട്.
കൊല്ലം, കോട്ടയം, ആലപ്പുഴ, ഇടുക്കി, പത്തനംതിട്ട എന്നിവിടങ്ങിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
ഉയര്ന്ന ചൂട് സൂര്യാഘാതം, സൂര്യാതാപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. വെയില് കടുക്കുന്ന സമയങ്ങളില്, പ്രത്യേകിച്ച് പകല് 11 മണി മുതല് 3 മണി വരെ പുറത്തിറങ്ങുന്നത് പരമാവധി ഒഴിവാക്കണമെന്നും കുടയും തൊപ്പിയും ഉപയോഗിക്കണമെന്നും അധികൃതര് നിര്ദേശിക്കുന്നു.
കളമശ്ശേരി (എറണാകുളം), ഒല്ലൂര് (തൃശ്ശൂര്), തൃത്താല (പാലക്കാട്), പൊന്നാനി (മലപ്പുറം), മാനന്തവാടി (വയനാട്) എന്നിവിടങ്ങളില് യെല്ലോ അലര്ട്ടും പ്രഖ്യാപിച്ചു. ജനങ്ങള് ഗൗരവകരമായ മുന്കരുതലുകള് സ്വീകരിക്കണമെന്ന് അധികൃതര് നിര്ദേശിച്ചു. അള്ട്രാ വയലറ്റ് സൂചിക 6 മുതല് 7 വരെ യെല്ലോ അലര്ട്ടും 8 മുതല് 10 വരെ ഓറഞ്ച് അലര്ട്ടും 11ന് മുകളില് എത്തുമ്പോള് റെഡ് അലര്ട്ടുമാണ് പ്രഖ്യാപിക്കുക.
അയഞ്ഞ ഇളം നിറമുളള വസ്ത്രങ്ങള് ധരിക്കുക, സൂര്യപ്രകാശം നേരിട്ട് പതിക്കുന്ന സാഹചര്യം ഒഴിവാക്കുക, പഴങ്ങളും പച്ചക്കറികളും ധാരാളമായി കഴിക്കുക തുടങ്ങിയവയാണ് നിര്ദേശങ്ങള്.
Content Highlight: Heatwave in the state; Yellow alert in five places