തിരുവനന്തപുരം: രണ്ടാം എല്.ഡി.എഫ് സര്ക്കാരിന്റെ സത്യപ്രതിജ്ഞയ്ക്ക് ദുരിതാശ്വാസനിധിയിലേക്ക് രണ്ട് ലക്ഷം രൂപ നല്കിയ ബീഡിത്തൊഴിലാളിയെ ക്ഷണിച്ച് മുഖ്യമന്ത്രി പിണറായി വിജയന്. കണ്ണൂരിലെ ബീഡിത്തൊഴിലാളിയായ ജനാര്ദ്ദനനെയാണ് പിണറായി സത്യപ്രതിജ്ഞയ്ക്ക് വിളിച്ചത്.
മേയ് 20 നാണ് രണ്ടാം എല്.ഡി.എഫ് സര്ക്കാരിന്റെ സത്യപ്രതിജ്ഞ. തിരുവനന്തപുരം സെന്ട്രല് സ്റ്റേഡിയത്തില് സംഘടിപ്പിക്കുന്ന ചടങ്ങില് 500 പേരെയാണ് പങ്കെടുപ്പിക്കുന്നത്.
140 എം.എല്.എമാരും ചടങ്ങില് പങ്കെടുക്കും. പ്രവേശനം പാസുള്ളവര്ക്ക് മാത്രം നിജപ്പെടുത്തിയിട്ടുണ്ട്. ന്യായാധിപര്, ചീഫ് സെക്രട്ടറി, സെക്രട്ടറിമാര്, മാധ്യമപ്രവര്ത്തകര് എന്നിവര് ഉള്പ്പടെയാണ് 500 പേരെന്നും മുഖ്യമന്ത്രി പറഞ്ഞു.
ജനാര്ദ്ദനന് തന്റെ അക്കൗണ്ടില് ഉണ്ടായിരുന്ന 2,00850 രൂപയില് 850 രൂപ മാത്രം ബാക്കിവെച്ച് മിച്ചമുള്ള രണ്ടുലക്ഷം മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നല്കിയിരുന്നു. കൊവിഡ് വാക്സിന് ചലഞ്ചിന്റെ ഭാഗമായായിരുന്നു തുക നല്കിയത്.
35-36 വര്ഷത്തോളം ദിനേശ് ബീഡിയില് ജോലി ചെയ്തയാളാണ് ജനാര്ദ്ദനന്.
ഡൂള്ന്യൂസിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡൂള്ന്യൂസിന്റെ സ്വതന്ത്ര മാധ്യമപ്രവര്ത്തനത്തെ സാമ്പത്തികമായി സഹായിക്കാന് ഇവിടെ ക്ലിക്ക് ചെയ്യൂ
Content Highlight: Dinesh Beedi Labourer Janardhanan Pinaray Vijayan Oath LDF