ദല്‍ഹി യൂണിവേഴ്‌സിറ്റി തെരഞ്ഞെടുപ്പ് ഫലം: പ്രതിപക്ഷ ഭിന്നതയെയും കോണ്‍ഗ്രസിന്റെ പരാജയത്തെയും വിമര്‍ശിച്ച് സൗരവ് ദാസ്

ന്യൂദല്‍ഹി: ദല്‍ഹി യൂണിവേഴ്‌സിറ്റി സ്റ്റുഡന്റ്‌സ് യൂണിയന്‍ തെരഞ്ഞെടുപ്പില്‍ എ.ബി.വി.പി മൂന്ന് പ്രധാന സീറ്റുകളില്‍ വിജയിച്ചതിന് പിന്നാലെ പ്രതിപക്ഷ രാഷ്ട്രീയത്തിലെ അപാകതകളെയും കോണ്‍ഗ്രസിന്റെ തീരുമാനങ്ങളെയും അതിരൂക്ഷമായി വിമര്‍ശിച്ച് കോക്രോച്ച് ജനത പാര്‍ട്ടി (സി.ജെ.പി) സഹ കണ്‍വീനര്‍ സൗരവ് ദാസ്.

തെരഞ്ഞെുപ്പ് ഫലം വന്നതിനുശേഷം എക്‌സ് പ്ലാറ്റ്ഫോമിലൂടെ പ്രതികരിക്കുകയായിരുന്നു അദ്ദേഹം. ക്യാമ്പസിലെ ഭൂരിഭാഗം വിദ്യാര്‍ത്ഥികളും നിലവിലെ ഭരണകൂടത്തിനെതിരാണെങ്കിലും പ്രതിപക്ഷത്തിന്റെ വോട്ടുകള്‍ ചിതറിപ്പോയതാണ് എ.ബി.വി.പിക്ക് വിജയം എളുപ്പമാക്കിയതെന്ന് സൗരവ് കുറിച്ചു.

‘വന്‍ ഭൂരിപക്ഷത്തില്‍ വിജയിച്ചവര്‍ തങ്ങളെ ഭൂരിപക്ഷം വിദ്യാര്‍ത്ഥികളും പിന്തുണച്ചിട്ടില്ലെന്നും തങ്ങള്‍ രാജാക്കന്മാരോ രാജ്ഞികളോ അല്ലെന്നും തിരിച്ചറിയണം,’ സൗരവ് ദാസ് പറഞ്ഞു.

കോണ്‍ഗ്രസും അവരുടെ സംഘടനയായ എന്‍.എസ്.യു.ഐയും സ്വന്തം പ്രവര്‍ത്തന ശൈലി തിരുത്താന്‍ തയ്യാറാകണമെന്നും സൗരവ് ദാസ് ആവശ്യപ്പെട്ടു.

‘സി.ജെ.പി യെ വേട്ടയാടുന്നതില്‍ ശ്രദ്ധ കേന്ദ്രീകരിക്കുന്നതിനുപകരം, കോണ്‍ഗ്രസിനും അതിന്റെ  വിഭാഗങ്ങള്‍ക്കും അവരുടെ പ്രവര്‍ത്തനം ശരിയാക്കുന്നത് നന്നായിരിക്കും.

എന്‍.എസ്.യു.ഐ ടിക്കറ്റ് നിഷേധിക്കപ്പെട്ടതില്‍ വൈസ് പ്രസിഡന്റ് സ്ഥാനത്തേക്ക് വന്‍ ഭൂരിപക്ഷത്തോടെ വിജയിച്ച വിമത എന്‍.എസ്.യു.ഐ സ്ഥാനാര്‍ത്ഥിയെപ്പോലെ ആ തരംതിരിക്കല്‍ ഇപ്പോള്‍ 12 വര്‍ഷമായി തുടരുകയാണ്, ആളുകള്‍ക്ക് ക്ഷമ നഷ്ടപ്പെടുന്നു. ഇടതുപക്ഷ ഐക്യത്തിലെ ചിലര്‍, എല്ലാവരും അല്ല.

പ്രത്യയശാസ്ത്രപരമായ ‘വിശുദ്ധി’യില്‍ മാത്രം ശ്രദ്ധ കേന്ദ്രീകരിച്ച് പ്രായോഗിക രാഷ്ട്രീയം മറക്കുന്ന പ്രസ്ഥാനങ്ങള്‍ യാഥാര്‍ത്ഥ്യത്തിലേക്ക് ഉണര്‍ന്നു പ്രവര്‍ത്തിക്കണമെന്നും പ്രതിപക്ഷ ഐക്യം ഇത്തരത്തിലാണ് തുടരുന്നതെങ്കില്‍ അവര്‍ക്ക് എന്നും പ്രതിപക്ഷത്ത് തന്നെ തുടരേണ്ടി വരും,’ സൗരവ് ദാസ് മുന്നറിയിപ്പ് നല്‍കി.

‘തൊഴിലില്ലായ്മ, തകര്‍ന്ന വിദ്യാഭ്യാസ സമ്പ്രദായം, തകര്‍ന്ന സ്‌കൂളുകള്‍, പണപ്പെരുപ്പം, കൂട്ട നിരാശ എന്നിവ നേരിടുന്ന കോടിക്കണക്കിന് യുവ ഇന്ത്യക്കാരുടെ മുഴുവന്‍ തലമുറയുടെയും രാഷ്ട്രീയ മാനസികാവസ്ഥയെ, പണത്തിന്റെയും മസില്‍ പവറിന്റെയും അടിസ്ഥാനത്തില്‍ പ്രവര്‍ത്തിക്കുന്ന ഒരു വിദ്യാര്‍ത്ഥി യൂണിയന്‍ തെരഞ്ഞെടുപ്പിന്റെ ഫലത്തിലേക്ക് ചുരുക്കുന്നത് മികച്ച വിശകലനമല്ല.

അതാണ് ബാരോമീറ്റര്‍ എങ്കില്‍, വെറും 8 ദിവസം മുമ്പ് ഗര്‍വാള്‍ സെന്‍ട്രല്‍ യൂണിവേഴ്‌സിറ്റിയില്‍ എ.ബി.വി.പി യുടെ തോല്‍വിയുടെ കാര്യമോ? ആ ജെന്‍-സികള്‍ക്ക് ദല്‍ഹിയിലെ ഒരു കോളേജിലെ ജെന്‍സികളേക്കാള്‍ വില കുറവാണോ? തെരഞ്ഞെടുപ്പുകള്‍ മാത്രമാണ് ഒരു ബാരോമീറ്റര്‍ എന്ന് ഒരു സര്‍ക്കാര്‍ കരുതുന്നത് ഈ രാജ്യത്തിന് ഒരു ശാപമാണ്,’ സൗരവ് കുറിച്ചു.

Content Highlights: Delhi University election results: Sourav Das criticizes opposition disunity and Congress’s defeat.