റോഡിന് വീതി കൂട്ടല്‍: അനധികൃത നിര്‍മാണമാരോപിച്ച്‌ കെട്ടിടങ്ങള്‍ പൊളിച്ചുനീക്കി ദല്‍ഹി പൊലീസ്

ന്യൂദല്‍ഹി: റോഡിന് വീതി കൂട്ടുന്നതിന്റെ ഭാഗമായി തെക്കന്‍ ദല്‍ഹിയിലെ ഛത്തര്‍പൂര് പ്രദേശത്തെ സത്ബാരി ഗൗശാല റോഡില്‍ പൊലീസ് പൊളിക്കല്‍ നടപടികള്‍ ആരംഭിച്ചു.

സൗത്ത് ദല്‍ഹി ജില്ലാ മജിസ്‌ട്രേറ്റിന്റെ ഉത്തരവ് പ്രകാരമാണ് നടപടികള്‍. ഇരുപതോളം വീടുകളും ഏതാനും ഫാംഹൗസുകളുമാണ് പ്രദേശത്തുള്ളതെന്ന് അധികൃതര്‍ അറിയിച്ചു. ഇവ അനധികൃതമായി നിര്‍മിച്ചതെന്നാണ് അധികൃതരുടെ വാദം.

ബുള്‍ഡോസറുകള്‍ ഉപയോഗിച്ച് അനധികൃതമായി നിര്‍മിച്ച ഘടനകള്‍ പൊളിച്ചുമാറ്റിക്കൊണ്ടിരിക്കുന്ന സ്ഥലത്ത് ക്രമസമാധാനപാലനത്തിനായി പോലീസുകാരെയും വിന്യസിച്ചിട്ടുണ്ട്. അര്‍ധസൈനികവിഭാഗങ്ങളും സ്ഥലത്തുണ്ടെന്ന് അധികൃതര്‍ അറിയിച്ചു.

എത്ര വിസ്തൃതിയില്‍ ഒഴിപ്പിക്കല്‍ നടന്നും എന്ന കാര്യത്തില്‍ വിശദാംശങ്ങളും വസ്തുക്കളുടെ ഉടമകളുടെ വിവരങ്ങളും നിലവില്‍ ലഭ്യമല്ല.

ഏഴുപേരുടെ മരണത്തിനിടയാക്കിടയാക്കിയ പി.ജി തകര്‍ച്ചയെത്തുടര്‍ന്ന് നഗരത്തിലെ അനധികൃത നിര്‍മാണങ്ങള്‍ക്കെതിരെ നടപടിയെടുക്കണമെന്ന് മുഖ്യമന്ത്രി രേഖാ ഗുപ്ത നിര്‍ദേശിച്ച് ഏതാനും ദിവസങ്ങള്‍ക്കുള്ളിലാണ് കുടിയൊഴിപ്പിക്കല്‍ നടന്നത്.

Content Highlight: Delhi Police Demolishes Illegal Houses And Farmhouses In Chhatarpur