ന്യൂദല്ഹി: അയോധ്യ കേസില് വാദം കേള്ക്കല് ബുധനാഴ്ച്ച അവസാനിപ്പിക്കുമെന്ന് സുപ്രീം കോടതി വ്യക്തമാക്കി. 40 ദിവസമായി തുടരുന്ന വാദം കേള്ക്കലില് നാളെ അഞ്ച് മണിവരെ മാത്രമെ തുടരുകയുള്ളുവെന്ന് ചീഫ് ജസ്റ്റിസ് രഞ്ജന് ഗൊഗോയി അറിയിച്ചു. എല്ലാ കക്ഷികള്ക്കും വാദിക്കാനായി നാല്പ്പത്തഞ്ച് മിനിറ്റ് വീതം സമയം മാത്രമെ നല്കുള്ളൂവെന്നും കോടതി പറഞ്ഞു.
അന്തിമവാദം കേള്ക്കാന് ഹിന്ദു സംഘടനകള് കൂടുതല് സമയം തേടിയിട്ടുണ്ട്.
നേരത്തെ കേസില് സുപീംകോടതി ബെഞ്ചിന്റെ വിസ്താരത്തില് മുസ്ലീം കക്ഷികള്ക്ക് വേണ്ടി ഹാജരായ അഭിഭാഷകന് രാജീവ് ധവാന് അതൃപ്തി അറിയിച്ചിരുന്നു.
ബെഞ്ച് തങ്ങളോട് മാത്രമാണ് ചോദ്യങ്ങള് ചോദിക്കുന്നതെന്നും എതിര്കക്ഷികളോട് എന്താണ് ചോദ്യങ്ങളൊന്നും ചോദിക്കാത്തതെന്നുമായിരുന്നു രാജീവ് ധവാന്റെ ചോദ്യം.
എന്നാല് അഭിഭാഷകന് രാജീവ് ധവാന്റെ ചോദ്യത്തിന് കോടതി ചോദിക്കുന്ന എല്ലാ ചോദ്യങ്ങള്ക്കും താങ്കള് ഉത്തരം പറയാന് ബാധ്യസ്ഥരാണ് എന്നാണ് കോടതി മറുപടി പറഞ്ഞത്.
രഞ്ജന് ഗോഗൊയി വിരമിക്കുന്ന നവംബര് 17 നോടകം വിധി പുറപ്പെടുവിക്കാനാണ് കോടതിയുടെ നീക്കം. അന്തിമ വിധി വരികയാണെങ്കില് 70 വര്ഷം നീണ്ട കേസിനായിരിക്കും അവസാനമാവുക.
2.77 ഏക്കര് തര്ക്ക ഭൂമി രാംലല്ല, നിര്മോഹി അഖാര, സുന്നി വഖഫ് എന്നിവര്ക്കായി വീതിച്ചു നല്കിയ അലഹബാദ് ഹൈക്കോടതി വിധിക്കെതിരെ വിവിധ കക്ഷികള് സമര്പ്പിച്ച ഹര്ജികളിലാണ് സുപ്രീംകോടതി ഇപ്പോള് വാദം കേള്ക്കുന്നത്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ