ഇന്ത്യയും ന്യൂസിലാന്‍ഡും തമ്മിലുള്ള അഞ്ച് മത്സരങ്ങള്‍ അടങ്ങുന്ന പരമ്പരയിലെ ആദ്യ മത്സരം ക്രൈസ്റ്റ് ചര്‍ച്ചില്‍ നടക്കുകയാണ്. മത്സരത്തില്‍ ടോസ് നേടിയ ഇന്ത്യന്‍ നായകന്‍ ശ്രേയസ് അയ്യര്‍ ബൗളിങ് തെരഞ്ഞെടുത്തു.
മത്സരത്തില്‍ സ്റ്റാര്‍ പേസര്‍ ഭുവനേശ്വര്‍ കുമാറിന്റെ തിരിച്ചുവരവിന് കൂടിയാണ് ആരാധകര്‍ സാക്ഷ്യം വഹിക്കുന്നത്. നാല് വര്‍ഷങ്ങള്‍ക്ക് ശേഷമാണ് ഭുവി ഇന്ത്യന്‍ ടീമില്‍ ഇടം നേടുന്നത്.
മത്സരത്തിലെ ആദ്യ ഓവര്‍ എറിയാന്‍ എത്തിയത് ഭുവനേശ്വര്‍ കുമാറായിരുന്നു. ഏറെ കാലങ്ങള്‍ക്ക് ശേഷം ഇന്ത്യന്‍ ടീമിലെത്തിയ ഭുവനേശ്വര്‍ തന്റെ ആദ്യ ഓവറില്‍ മൂന്ന് ഡോട്ട് ബോളുകള്‍ ഉള്‍പ്പെടെ നാല് റണ്‍സ് മാത്രമായിരുന്നു വിട്ടുനല്‍കിയത്. ഇതോടെ ഒരു ചരിത്രനേട്ടം സ്വന്തമാക്കാനും ഭുവനേശ്വറിന് സാധിച്ചു.
അന്താരാഷ്ട്ര ടി-20യിലെ പവര്‍പ്ലെയില്‍ ഏറ്റവും കൂടുതല്‍ ഡോട്ട് ബോളുകള്‍ എറിയുന്ന താരമാകാനാണ് ഭുവിക്ക് സാധിച്ചത് (ഫുള്‍ മെമ്പേഴ്‌സ് ടീമുകളില്‍). ഈ നേട്ടത്തില്‍ ന്യൂസിലാന്‍ഡിന്റെ ടിം സൗത്തിയെ മറികടന്നാണ് ഭുവനേശ്വര്‍ ഒന്നാമനായത്.
ഭുവനേശ്വര്‍ കുമാര്‍ (ഇന്ത്യ) – 680*
ടിം സൗത്തി (ന്യൂസിലാന്‍ഡ്) – 679
റിച്ചാര്‍ഡ് എന്‍ങ്കരാവ (സിംബാബ്‌വേ) – 674
ഷഹീന്‍ അഫ്രീദി (പാകിസ്ഥാന്‍) – 625
അതേസമയം നാല് വര്‍ഷങ്ങള്‍ക്കിപ്പുറം ന്യൂസിലാന്‍ഡിനെതിരായ തന്റെ തിരിച്ചുവരവിലും ഭുവി ആധിപത്യം പുലര്‍ത്തുമെന്നാണ് ആരാധകര്‍ വിശ്വസിക്കുന്നത്. കഴിഞ്ഞ രണ്ട് ഐ.പി.എല്‍ സീസണിലും റോയല്‍ ചലഞ്ചേഴ്സ് ബെംഗളൂരുവിന് വേണ്ടി കിരീടം നേടിക്കൊടുത്തതില്‍ ഭുവിയുടെ സ്വിങ്ങിനും പേസിനും നിര്‍ണായക സ്ഥാനമുണ്ടായിരുന്നു. ഇന്ത്യയ്ക്ക് വേണ്ടി ഭുവി വീണ്ടും മികച്ച പ്രകടനം നടത്തുമെന്നാണ് പ്രതീക്ഷ.
അഭിഷേക് ശര്‍മ, സഞ്ജു സാംസണ്‍ (വിക്കറ്റ് കീപ്പര്‍), ഇഷാന്‍ കിഷന്‍, ശ്രേയസ് അയ്യര്‍ (ക്യാപ്റ്റന്‍), തിലക് വര്‍മ, നിതീഷ് കുമാര്‍ റെഡ്ഡി, നമന്‍ ധിര്‍, അക്‌സര്‍ പട്ടേല്‍, ഭുവനേശ്വര്‍ കുമാര്‍, അര്‍ഷ്ദീപ് സിങ്, മായങ്ക് യാദവ്
ഫിന്‍ അലന്‍, ടിം സീഫേര്‍ട്ട് (വിക്കറ്റ് കീപ്പര്‍), ഡാരില്‍ മിച്ചല്‍, ഗ്ലെന്‍ ഫിലിപ്‌സ്, ബെവണ്‍ ജേക്കബ്‌സ്, മൈക്കല്‍ ബ്രേസ്‌വെല്‍, മിച്ചല്‍ സാന്റ്‌നര്‍ (ക്യാപ്റ്റന്‍), നഥാന്‍ സ്മിത്ത്, മാറ്റ് ഹെന്റി, ആദം മില്‍നെ, ലോക്കി ഫെര്‍ഗൂസന്‍
Content Highlight: Bhuvaneshwar Kumar In Great Record Achievement