ന്യൂദല്ഹി: സര്ക്കാര് തൊഴില് മേഖലയിലെ സംവരണവുമായി ബന്ധപ്പെട്ട സുപ്രീം കോടതി വിധിയില് പ്രതിഷേധിച്ച് ഭാരത് ബന്ദിന് ആഹ്വാനം ചെയ്ത് ഭീം ആര്മി അദ്ധ്യക്ഷന് ചന്ദ്രശേഖര് ആസാദ്. ഫെബ്രുവരി 23ന് ഭാരത് ബന്ദ് നടത്താനാണ് ആഹ്വാനം.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
ഉത്തരവിനെ മറികടക്കുന്നതിന് ഓര്ഡിനന്സ് ഇറക്കുന്നതിന് വേണ്ടി എല്ലാ പട്ടികജാതി-വര്ഗ എം.പിമാരും എം.എല്.എമാരും സര്ക്കാരിനെ സമ്മര്ദ്ദത്തിലാഴത്തണമെന്നും അദ്ദേഹം ആവശ്യപ്പെട്ടു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
വിവിധ ആവശ്യങ്ങള് ഉന്നയിച്ച് ഭീം ആര്മി പാര്ലമെന്റ് മാര്ച്ച് നടത്തും. ഫെബ്രുവരി 16ന് മണ്ഡി ഹൗസില് നിന്നും പാര്ലമെന്റിലേക്കാണ് മാര്ച്ച് നടത്തുക.
സര്ക്കാര് ജോലികള്ക്കും സ്ഥാനകയറ്റങ്ങള്ക്കും സംവരണം മൗലികാവകാശമല്ലെന്ന് സുപ്രീം കോടതി ഞായറാഴ്ച്ച വ്യക്തമാക്കിയിരുന്നു. പട്ടിക ജാതി, പട്ടിക വര്ഗ വിഭാഗങ്ങളുടെ ജോലി സംവരണം സംബന്ധിച്ച കേസുകളിലായിരുന്നു സുപ്രീം കോടതിയുടെ വിധി.ഭരണഘടനയുടെ 16(4) 16(4എ) വകുപ്പുകള് പ്രകാരം സംവരണം വേണോ വേണ്ടയോ എന്ന കാര്യം സര്ക്കാരാണ് തീരുമാനിക്കേണ്ടതെന്നും കോടതി പറഞ്ഞു. ജസ്റ്റിസുമാരായ എല്.നാഗേശ്വര് റാവു, ഹേമന്ദ് ഗുപ്ത എന്നിവരടങ്ങിയ ബെഞ്ചാണ് ഇക്കാര്യം വ്യക്തമാക്കിയത്.