തിരുവനന്തപുരം: മദ്യശാലകളിലെ വെര്ച്വല് ക്യൂവിനായി മൊബൈല് ആപ്പ് പുറത്തിറക്കുമെന്ന് സര്ക്കാര് അറിയിച്ചതിന് പിന്നാലെ ആപ്പിനായുള്ള കാത്തിരിപ്പിലാണ് മലയാളികള്. ആപ് പുറത്തിറക്കുന്നതിന് മുമ്പ് തന്നെ ഗൂഗിളില് ആപ്പിനെയും ബെവ്കോയെയും തിരഞ്ഞ് കണ്ടുകിട്ടാതെ നിരാശരായിരിക്കുകയാണ് ഇവര്.
കഴിഞ്ഞ ഒരു മാസമായി ബെവ്കോ എന്ന കീവേഡ് തിരയുന്നവരുടെ എണ്ണത്തില് രാജ്യത്ത് മുന്നില് നിന്നിരുന്നത് പശ്ചിമബംഗാളായിരുന്നു. എന്നാല്, കഴിഞ്ഞ ഏഴ് ദിവസത്തെ കണക്കനുസരിച്ച് ബംഗാളിനെ പിന്തള്ളി കേരളം മുന്നിലെത്തിയിരിക്കുകയാണ്. സര്ക്കാര് ആപ്പ് പുറത്തിറക്കുന്ന ആലോചനകള് നടത്തുന്നു എന്ന് അറിഞ്ഞതുമുതല് മലയാളികള് ആപിനായുള്ള തിരച്ചിലും തുടങ്ങി. ബെവ്ക്യൂ എന്നാണ് ആപ്പിന്റെ പേര് എന്നറിഞ്ഞതോടെ തെരച്ചിലിന്റെ എണ്ണവും കുത്തനെകൂടി.
ബെവ്കോ എന്ന കീവേഡില് ആപ് കിട്ടാതായതോടെ തലങ്ങും വിലങ്ങും വിവിധ കീവേഡുകള് ഉപയോഗിച്ചായിരുന്നു തിരച്ചില്. ക്യൂവിനായി തയ്യാറാക്കുന്ന ബെവ്ക്യൂ ആപ്പ് എന്ന കീവേഡിന് മാത്രം ഗൂഗിള് സെര്ച്ചില് 3,300 ശതമാനം വര്ധനയാണ് ഒറ്റദിവസം കൊണ്ട് ഉണ്ടായിരിക്കുന്നത്.
ആപ്പ് തയ്യാറായിട്ടില്ലെന്നും വ്യാജ ലിങ്കുകളില് വീഴരുതെന്നും അധികൃതര് ബുധനാഴ്ച മുന്നറിയിപ്പ് നല്കിയിരുന്നു. എന്നിട്ടും തിരച്ചിലിന് കുറവൊന്നുമില്ല. രാജ്യത്തൊട്ടാകെയുള്ള ട്രന്ഡ് ആയി മാറിയിട്ടുണ്ട് ബെവ്കോ.
ഡൂള്ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക