മാഡ്രിഡ്: ചാമ്പ്യന്സ് ലീഗ് ക്വാര്ട്ടര് ഫൈനല് ആദ്യപാദത്തില് ഇറ്റാലിയന് ക്ലബ് എ.എസ് റോമയ്ക്കെതിരെ ബാഴ്സയ്ക്ക് മിന്നും ജയം. സ്വന്തം ഗ്രൗണ്ടില് റോമയെ 4-1 നാണ് ബാഴ്സ തോല്പ്പിച്ചത്. റോമ താരം ഡാനിയേല് ഡി റോസിയും മാനോലാസും വഴങ്ങിയ സെല്ഫ് ഗോളുകള് ബാര്സയ്ക്ക് 2-0 ലീഡ് നല്കി. ജെറാര്ദ് പീക്വേ സുവാരസ് ബാര്സയ്ക്കായി ഗോള് നേടി. എഡിന് സീക്കോയുടേതാണ് റോമയുടെ ഏകഗോള്.
ബാഴ്സ തങ്ങളുടെ മികവിലേക്ക് ഉയരാതെ മത്സരത്തില് റോമതന്നെ സ്വന്തം കുഴി വെട്ടുകയായിരുന്നു. 38 -ാം മിനുട്ടില് ഡി റോസിയുടെ ഓണ് ഗോളാണ് ആദ്യം റോമയുടെ വല കുലുക്കിയത്. രണ്ടാം പകുതിയില് 55-ാം മിനുട്ടില് രണ്ടാമതും റോമ തന്നെ അവരുടെ വലയില് പന്തെത്തിച്ചു. ഇത്തവണ മനൊലസ് ആയിരുന്നു സെല്ഫ് ഗോളിനെ ഉടമ. രണ്ടാം ഗോള് വന്നതോടെ ചിത്രത്തില് ഇല്ലാതായ റോമ രണ്ട് മിനുട്ടുകള്ക്കകം മൂന്നാം ഗോളും വഴങ്ങി. പികെ ആയിരുന്നു മൂന്നാം ഗോള് നേടിയത്.
80-ാം മിനുട്ടില് ജെക്കോയിലൂടെ നേടിയ എവേ ഗോള് റോമക്ക് രണ്ടാം പാദത്തില് ചെറിയ പ്രതീക്ഷ നല്കിയെങ്കിലും ലൂയിസ് സുവാരസ് നേടിയ നാലാം ഗോള് ആ പ്രതീക്ഷയും അവസാനിപ്പിച്ചു. സുവാരസിന്റെ ഒരു വര്ഷത്തിനു ശേഷമുള്ള ചാമ്പ്യന്സ് ലീഗ് ഗോളായിരുന്നു ഇത്.
അതേസമയം യുവേഫ ചാംപ്യന്സ് ലീഗ് ഫുട്ബോള് ക്വാര്ട്ടര് ഫൈനലില് സൂപ്പര് അട്ടിമറി നടന്നു. ഇംഗ്ലിഷ് പ്രീമിയര് ലീഗ് ചാംപ്യന്പട്ടത്തിലേക്കു കുതിക്കുന്ന മാഞ്ചസ്റ്റര് സിറ്റിയെ ലിവര്പൂള് 3-0ന് മുട്ടുകുത്തിച്ചു.
ചെമ്പടയുടെ സൂപ്പര് താരങ്ങളായ മുഹമ്മദ് സലാഹ് (12), അലക്സ് ചേംബര്ലീന് (20), സാദിയോ മാനെ (31) എന്നിവര് ആദ്യ അരമണിക്കൂറിനകം സിറ്റിയുടെ കഥ കഴിച്ചു.