ലക്നോ: മീററ്റ് ജില്ലയുടെ ചുമതലയില് നിന്ന് മാറ്റിയതില് പ്രതിഷേധിച്ച് യു.പി നഗരവികസനമന്ത്രി അസം ഖാന് രാജി സന്നദ്ധത അറിയിച്ചു. യു.പി സമാജ് വാദി പാര്ട്ടിയിലെ ഭിന്നതയും രാജിക്ക് കാരണമാണെന്നാണ് അറിയുന്നത്.[]
പാര്ട്ടിക്ക് തന്നെ വേണ്ടെങ്കില് പാര്ട്ടി അംഗത്വവും രാജിവെയ്ക്കാന് തയാറാണെന്ന് അസം ഖാന് പറഞ്ഞു. രാജിക്കത്ത് മുഖ്യമന്ത്രി അഖിലേഷ് യാദവിന് അയക്കുമെന്നും അസംഖാന് വ്യക്തമാക്കി.
ഇത്രയും കാലം പ്രവര്ത്തിച്ചത് പാര്ട്ടിക്ക് വേണ്ടിയാണ്. എന്നാല് തന്നെ വിശ്വാസത്തിലെടുക്കാത്ത നടപടിയാണ് സര്ക്കാരിന്റെ ഭാഗത്തുനിന്നും ഉണ്ടാകുന്നത്.- അസം ഖാന് പറഞ്ഞു.
ഗാസിയാബാദ്, മുസാഫര് നഗര്, മീററ്റ് ജില്ലകളുടെ ചുമതലയിലുണ്ടായിരുന്ന അസം ഖാനില് നിന്ന് മീററ്റിന്റെ ചുമതല മാറ്റി പഞ്ചായത്ത്രാജ് മന്ത്രി ബല്റാം യാദവിനെ ഏല്പിച്ചിരുന്നു. ഇതില് പ്രകോപിതനായാണ് രാജി വെയ്ക്കാന് ഒരുങ്ങുന്നതെന്നാണ് റിപ്പോര്ട്ട്.