2025 ഏഷ്യാ കപ്പിന്റെ അവസാന പോരാട്ടത്തില് പാകിസ്ഥാനെതിരെ ടോസ് നേടിയിരിക്കുകയാണ് ഇന്ത്യ. ദുബായി അന്താരാഷ്ട്ര സ്റ്റേഡിയത്തില് നടക്കുന്ന മത്സരത്തില് ഇന്ത്യ ബൗളിങ്ങാണ് തെരഞ്ഞെടുത്തത്. എന്നാല് ഇന്ത്യന് പ്ലെയിങ് ഇലവനില് വലിയ മാറ്റാമാണ് ഉണ്ടായിരിക്കുന്നത്. സൂപ്പര് താരം ഹര്ദിക് പാണ്ഡ്യ ഇല്ലാതെയാണ് ഇന്ത്യ ഇന്ന് കളത്തിലിറങ്ങുന്നത്.
താരത്തിന് പകരം റിങ്കു സിങ്ങാണ് ഇലവനില് ഇടം നേടിയത്. മാത്രമല്ല ശിവം ദുബെ ഇലവനില് തിരിച്ചെത്തിയിട്ടുണ്ട്. മലയാളി സൂപ്പര് താരം സഞ്ജു സാംസണ് അഞ്ചാം നമ്പര് സ്ഥാനം നിലനിര്ത്തിയിട്ടുണ്ട്.
അഭിഷേക് ശര്മ, ശുഭ്മന് ഗില്, സൂര്യകുമാര് യാദവ് (ക്യാപ്റ്റന്), തിലക് വര്മ, സഞ്ജു സഞ്ജു സാംസണ് (വിക്കറ്റ് കീപ്പര്), ശിവം ദുബെ, റിങ്കു സിങ്, അക്സര് പട്ടേല്, കുല്ദീപ് യാദവ്, വരുണ് ചക്രവര്ത്തി, ജസ്പ്രീത് ബുംറ
സാഹിബ്സാദ ഫര്ഹാന്, ഫഖര് സമാന്, സയിം അയൂബ്, സല്മാന് അലി ആഘ (ക്യാപ്റ്റന്), ഹുസൈന് തലത്, മുഹമ്മദ് ഹാരിസ് (വിക്കറ്റ് കീപ്പര്), ഷഹീന് അഫ്രീദി, മുഹമ്മദ് നവാസ്, ഫഹീം അഷ്റഫ്, ഹാരിസ് റൗഫ്, അബ്രാര് അഹമ്മദ്
അതേസമയം ഗ്രൂപ്പ് ഘട്ടത്തിലും സൂപ്പര് ഫോറിലും എല്ലാ മത്സരങ്ങളും വിജയിച്ചാണ് ഇന്ത്യ കിരീട പോരാട്ടത്തിന് ടിക്കറ്റെടുത്തത്. അതേസമയം, ഗ്രൂപ്പ് ഘട്ടത്തിലും സൂപ്പര് ഫോറിലും ഇന്ത്യയോട് തോല്ക്കുകയും മറ്റ് ടീമുകളോട് വിജയിച്ചുമാണ് സല്മാന് അലി ആഘയും സംഘവും ഫൈനലിന് യോഗ്യത നേടിയത്. വിജയ ശതമാനം ഏറ്റവും കൂടുതല് ഇന്ത്യക്കാണെന്നാണ് വിലയിരുത്തല്
Content Highlight: Asia Cup Final: India Won The Toss Against Pakistan, No Hardik Pandy In Indian Playing 11