തിരുവനന്തപുരം: നമ്പിനാരായണനെതിരായ ടി.പി സെന്കുമാറിന്റെ ആരോപണങ്ങള്ക്ക് മറുപടി പറയേണ്ടത് ബി.ജെ.പി സംസ്ഥാന അധ്യക്ഷന് പി.എസ് ശ്രീധരന്പിള്ളയാണെന്ന് മന്ത്രി എ.കെ ബാലന്.
സെന്കുമാറിന്റെ പരാമര്ശം ബി.ജെ.പിയിലെ ഒരു വിഭാഗം നേതാക്കളുടെ അനുമതിയോടെയെന്ന് സംശയമുണ്ടെന്നും മറിയം റഷീദയോടും ഗോവിന്ദചാമിയോടും ഉപമിക്കേണ്ട ആളല്ല നമ്പി നാരായണനെന്നും എ.കെ ബാലന് പറഞ്ഞു.
പത്മഭൂഷന് ലഭിച്ചയാളെ മ്ലേച്ഛമായ ഭാഷയില് ടി.പി സെന്കുമാര് അധിക്ഷേപിച്ചു. ഇന്ത്യയുടെ ചരിത്രത്തില് തന്നെ ഇത് ആദ്യത്തെ സംഭവമാണ്. പ്രബുദ്ധ കേരളം ഇതിനെതിരെ പ്രതികരിക്കണം.
പരാമര്ശത്തോട് പ്രതികരിക്കാന് സംസ്ഥാന നേതൃത്വത്തിന് കഴിയില്ലെങ്കില് ബി.ജെ.പിയുടെ കേന്ദ്രനേതൃത്വം പ്രതികരിക്കണമെന്നും ബി.ജെ.പിയില് പോയതിന് ശേഷമാണ് സെന്കുമാര് ഇങ്ങനെ ആയതെന്നും എ.കെ ബാലന് പറഞ്ഞു. എന്നാല് സെന്കുമാറിന്റെ ആരോപണത്തോട് പ്രതികരിക്കാനില്ലെന്നായിരുന്നു ശ്രീധരന് പിള്ള പറഞ്ഞത്.
നമ്പി നാരായണന് പത്മഭൂഷണ് നല്കിയതിനെതിരെ ടി പി സെന്കുമാര് രൂക്ഷമായാണ് പ്രതികരിച്ചത്. പുരസ്കാരത്തിന് നമ്പി നാരായണന് അര്ഹനല്ലെന്നും നമ്പി നാരായണന് നല്കിയ സംഭാവന എന്താണെന്ന് അവാര്ഡ് നല്കിയവര് വിശദീകരിക്കണമെന്നും സെന്കുമാര് ആവശ്യപ്പെട്ടിരുന്നു.
ശരാശരിയില് താഴെയുള്ള ഒരു ശാസ്ത്രജ്ഞനാണ് നമ്പി നാരായണനെന്നും ചാരക്കേസ് കോടതി നിയോഗിച്ച സമിതി പരിശോധിക്കുകയാണെന്നും ടി പി സെന്കുമാര് പറഞ്ഞിരുന്നു. സമിതി റിപ്പോര്ട്ട് നല്കും വരെ നമ്പി നാരായണന് സംശയത്തിന്റെ നിഴലില് തന്നെയാണെന്നും ഇങ്ങനെ പോയാല് മറിയം റഷീദയ്ക്കും ഗോവിന്ദച്ചാമിക്കും അവാര്ഡ് നല്കേണ്ടി വരുമെന്നും ടി പി സെന്കുമാര് പരിഹസിച്ചിരുന്നു.
എന്നാല് സെന്കുമാര് സുപ്രീം കോടതിവിധി മനസിലാക്കിയിട്ടില്ലെന്നും ഐ.എസ്.ആര്.ഒ ചാരക്കേസുമായി ബന്ധപ്പെട്ട് താന് കൊടുത്തിരിക്കുന്ന കേസില് സെന്കുമാര് പ്രതിയാണെന്നും നമ്പി നാരായണന് പറഞ്ഞു.
ചാരക്കേസില് പൊലീസിന്റെ വീഴ്ചകള് അന്വേഷിക്കാനാണ് സുപ്രീംകോടതി സമിതിയെ നിയമിച്ചിരിക്കുന്നത്. സെന്കുമാര് പറയുന്നതില് വൈരുദ്ധ്യങ്ങളുണ്ട്. തന്റെ സംഭാവനകള് എന്തൊക്കെയാണെന്ന് ടി.പി സെന്കുമാറിനെ ബോധ്യപ്പെടുത്തേണ്ടതില്ല. ഐ.എസ്.ആര്.ഒയുടെ മേധാവികള് തന്നെ അതില് സാക്ഷ്യപത്രം നല്കിയിട്ടുണ്ടെന്നും നമ്പി നാരായണന് പറഞ്ഞിരുന്നു.