ന്യൂദല്ഹി: ഇന്ത്യന് ഫുട്ബോള് ഇതിഹാസം ഐ.എം വിജയനെ പത്മശ്രീ പുരസ്കാരത്തിനായി നാമനിര്ദേശം ചെയ്ത് ഓള് ഇന്ത്യ ഫുട്ബോള് ഫെഡറേഷന്. വിജയന്റെ പേര് കായികമന്ത്രാലയത്തിന് സമര്പ്പിച്ചുവെന്ന് ദേശീയ മാധ്യമങ്ങളാണ് റിപ്പോര്ട്ട് ചെയ്തത്.
തന്റെ 17ാം വയസ്സില് കേരള പൊലീസിലൂടെയാണ് വിജയന് തന്റെ കരിയര് ആരംഭിച്ചത്. പിന്നീട് മോഹന് ബഗാന്, എഫ്.സി കൊച്ചിന്, ജെ.സി.ടി ഫഗ്വാര, ചര്ച്ചില് ബ്രദേഴ്സ്, ഈസ്റ്റ് ബംഗാള് തുടങ്ങിയ ക്ലബ്ബുകള്ക്കായി കളിച്ചു.
1989ല് ഇന്ത്യക്ക് വേണ്ടി അരങ്ങേറ്റം കുറിച്ച വിജയന് 66 മത്സരങ്ങള് കളിച്ചു. 40 ഗോളുകളും രാജ്യത്തിന് വേണ്ടി നേടി. 1992, 1997, 2000 വര്ഷങ്ങളില് എ.ഐ.എഫ്.എഫിന്റെ മികച്ച ഫുട്ബോള് താരമായി തിരഞ്ഞെടുക്കപ്പെട്ടു.
2001ല് മലയാള ചിത്രം ശാന്തത്തിലൂടെ അദ്ദേഹം അഭിനയരംഗത്ത് അരങ്ങേറ്റം കുറിച്ചു. 2003ല് അര്ജുന പുരസ്കാരം ലഭിച്ചു.
ഡൂള്ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡൂള്ന്യൂസിനെ സാമ്പത്തികമായി സഹായിക്കാന് ഇവിടെ ക്ലിക്ക് ചെയ്യൂ