കോണ്‍ഗ്രസ് നേതാവും മുന്‍ മന്ത്രിയുമായ കെ. ബാബു എറണാകുളം ജില്ലാ ഫുട്‌ബോള്‍ അസോസിയേഷന്‍ പ്രസിഡന്റ് സ്ഥാനത്ത് നിന്ന് മാറി. പകരമെത്തിയത് മുന്‍ യൂത്ത് കോണ്‍ഗ്രസ് നേതാവും ഇപ്പോള്‍ സി.പി.ഐ.എം നേതാവുമായ അഡ്വ: പി.വി ശ്രീനിജന്‍.നീണ്ട 16 വര്‍ഷങ്ങള്‍ക്ക് ശേഷമാണ് ബാബു സ്ഥാനത്ത് നിന്ന് മാറുന്നത്.
ശ്രീനിജന്‍ നിലവില്‍ ജില്ലാ സ്പോര്ട്സ് കൗണ്‍സില്‍ പ്രസിഡന്റ് ആണ്. നാല് വര്‍ഷമാണ് ഭരണസമിതിയുടെ കാലാവധി.
മറ്റ് ഭാരവാഹികള്‍: സി.സി.ജേക്കബ്, ആര്‍. ദിനേശ് കമ്മത്ത്, കെ.ഗോകുലന്‍, വി.പി ചന്ദ്രന്‍ (വൈസ് പ്രസിഡന്റുമാര്‍), കെ.കെ മുരളീധരന്‍ ( സെക്രട്ടറി), എം.കെ. പ്രഹ്ളാദന്‍, എസ്.എസ്. നൗഷാദ് (ജോയിന്റ് സെക്രട്ടറിമാര്‍), സോളി സേവ്യര്‍ (ട്രഷറര്‍). ഇവര്‍ക്ക് പുറമെ ഏഴംഗ എക്സിക്യൂട്ടീവിനെയും ഐകകണ്ഠ്യേന തിരഞ്ഞെടുത്തു. സംസ്ഥാന സ്പോര്ട്സ് കൗണ്‍സിലംഗം ജോര്‍ജ് തോമസ് നിരീക്ഷകനായി.