തിരുവനന്തപുരം: പ്രവാസി ലീഗല് സെല് (PLC) പ്രതിനിധികളും നോര്ക്ക വകുപ്പ് പ്രിന്സിപ്പല് സെക്രട്ടറി ഡോ. കെ. വാസുകി ഐ.എ.എസുമായുള്ള കൂടിക്കാഴ്ച നടന്നു. ഫെബ്രുവരി മൂന്ന് തിങ്കളാഴ്ച സെക്രട്ടറിയേറ്റിലെ ഡോ. വാസുകിയുടെ ചേമ്പറിലായിരുന്നു കൂടിക്കാഴ്ച.
കഴിഞ്ഞ നവംബര് 26ന് നടന്ന കൂടിക്കാഴ്ചയുടെ തുടര്നടപടികളുടെ ഭാഗമായിരുന്നു ഫെബ്രുവരി മൂന്നിലെ മീറ്റിങ്. നോര്ക്ക റൂട്സും പ്രവാസി ക്ഷേമനിധി ബോര്ഡുമായി ബന്ധപ്പെട്ട ഏകദേശം 25ഓളം വിഷയങ്ങളില് പി.എല്.സി. കൊടുത്ത നിവേദനത്തിന്റെ അടിസ്ഥാനത്തിലായിരുന്നു ചര്ച്ച.
പി.എല്.സി ഉന്നയിച്ച നിരവധി വിഷയങ്ങളില് പലതിലും ഗുണപരമായ സമീപനമാണ് നോര്ക്ക സെക്രട്ടറിയുടെ ഭാഗത്തുനിന്നും ഉണ്ടായത്.
തത്വത്തില് പ്രാഥമികമായി അംഗീകരിച്ചതില് ചിലത് താഴെപ്പറയുന്നു:
പി.എല്.സി കൊടുത്ത നിവേദനങ്ങള് ആഭ്യന്തരമായി ചര്ച്ച ചെയ്തതിനുശേഷം നയപരമായ തീരുമാനം ആവശ്യമുള്ളവ മന്ത്രിസഭയുടെ പരിഗണനക്ക് വെക്കാമെന്നും നോര്ക്ക സെക്രട്ടറി പറഞ്ഞു. നിവേദനങ്ങളില് കൂടുതല് വ്യക്തത ആവശ്യമുണ്ടെങ്കില് തുടര് ചര്ച്ചകള് പി.എല്.സിയുമായി നടത്താമെന്നും ഡോ. വാസുകി പറഞ്ഞു.
നോര്ക്ക പ്രിന്സിപ്പല് സെക്രട്ടറിക്ക് പുറമെ നോര്ക്ക റൂട്സ് സി.ഇ.ഒ അജിത് കൊളശ്ശേരി, ക്ഷേമനിധി ബോര്ഡ് സി.ഇ.ഒ ഗീതാലക്ഷ്മി എം.ബി, നോര്ക്ക റൂട്ട്സിലെയും ക്ഷേമനിധി ബോര്ഡിലെയും മറ്റ് നിരവധി ഉദ്യോഗസ്ഥരും ചര്ച്ചയില് പങ്കെടുത്തിരുന്നു.
പ്രവാസി ലീഗല് സെല്ലിനെ പ്രതിനിധീകരിച്ച് അഡ്വ. ആര് മുരളീധരന്, ഷീബ രാമചന്ദ്രന് (എറണാകുളം), ബെന്നി പേരികിലാത്ത് (ഇടുക്കി), ബഷീര് പാണ്ടിക്കാട് (മലപ്പുറം), ലാല്ജി ജോര്ജ് (കോട്ടയം), ഷെരിഫ് കൊട്ടാരക്കര (കൊല്ലം), ശ്രീകുമാര്, ജിഹാംഗിര്, അനില് അളകാപുരി, നിയാസ്, റഷീദ് കോട്ടൂര്, റോഷന് പുത്തന്പറമ്പില്, നന്ദഗോപകുമാര്, എന്നിവരും ചര്ച്ചയില് പങ്കെടുത്തു.
Content Highlight: A meeting was held between the PLC representatives and the principal of the NORCA department