എം.ജി ശ്രീകുമാര്‍ നായകനായെത്തുന്നു; സംവിധാനം ശ്യാമപ്രസാദ്
Shyamaprasad
എം.ജി ശ്രീകുമാര്‍ നായകനായെത്തുന്നു; സംവിധാനം ശ്യാമപ്രസാദ്
ന്യൂസ് ഡെസ്‌ക്
Tuesday, 9th July 2019, 11:43 am

ഗായകന്‍ എം.ജി ശ്രീകുമാര്‍ നായകനായെത്തുന്നു. സംവിധായകന്‍ ശ്യാമപ്രസാദ് സംവിധാനം ചെയ്യുന്ന പുതിയ ചിത്രത്തിലാണ് മലയാളികളുടെ പ്രിയ ഗായകന്‍ നായകനാവുന്നത്. അറുപത് വയസ്സ് പിന്നിട്ട ഒരു ഗായകന്റെ ജീവിത കഥയാണ് ചിത്രം പറയുന്നത്.

തന്റെ ആത്മകഥാംശമുള്ള കഥാപാത്രമായതിനാലാണ് നായകവേഷം അവതരിപ്പിക്കാന്‍ തയ്യാറാകുന്നതെന്ന് എം.ജി ശ്രീകുമാര്‍ സിറ്റി കൗമുദിയോട് പറഞ്ഞു. ചിത്രത്തിന്റെ പ്രീപ്രൊഡക്ഷന്‍ ജോലികള്‍ ആരംഭിച്ചു.

ശങ്കര്‍ രാമകൃഷ്ണന്റെ തിരക്കഥയില്‍ കുക്കു സുരേന്ദ്രന്‍ സംവിധാനം ചെയ്ത് എന്റെ സത്യാന്വേഷണ പരീക്ഷണങ്ങള്‍ എന്ന ചിത്രത്തില്‍ എം.ജി ശ്രീകുമാര്‍ നേരത്തെ മുഴുനീള വേഷം അഭിനയിച്ചിട്ടുണ്ട്. മോഹന്‍ലാലിന്റെ പുതിയ ചിത്രങ്ങളായ ഇട്ടിമാണി മെയ്ഡ് ഇന്‍ ചൈന, മരയ്ക്കാര്‍ അറബിക്കടലിന്റെ സിംഹം എന്നീ ചിത്രങ്ങളില്‍ എം.ജി ശ്രീകുമാര്‍ ഗാനം ആലപിച്ചിട്ടുണ്ട്.