പൊളിച്ചടക്കി ചെമ്പന്റെയും നൈലയുടെയും ഡാന്‍സ്; ജോഷി ചിത്രം പൊറിഞ്ചു മറിയം ജോസിന്റെ പുതിയ പോസ്റ്റര്‍ പുറത്തുവിട്ടു
malayalam movie
പൊളിച്ചടക്കി ചെമ്പന്റെയും നൈലയുടെയും ഡാന്‍സ്; ജോഷി ചിത്രം പൊറിഞ്ചു മറിയം ജോസിന്റെ പുതിയ പോസ്റ്റര്‍ പുറത്തുവിട്ടു
എന്റര്‍ടെയിന്‍മെന്റ് ഡെസ്‌ക്
Thursday, 20th June 2019, 6:38 pm

കൊച്ചി: മലയാളത്തിന്റെ മാസ്റ്റര്‍ ഡയറക്ടര്‍ ആയ ജോഷി സംവിധാനം ചെയ്യുന്ന പുതിയ ചിത്രം പൊറിഞ്ചു മറിയം ജോസിന്റെ പുതിയ പോസ്റ്റര്‍ പുറത്തുവിട്ടു. ചെമ്പന്‍ വിനോദും നൈലയുമുള്ള പുതിയ പോസ്റ്റര്‍ കൗതുകമുണര്‍ത്തുന്നതാണ്.

ചിത്രത്തില്‍ പൊറിഞ്ചുവായി ജോജുവും മറിയമായി നൈലയും ജോസായി ചെമ്പന്‍ വിനോദുമാണ് അഭിനയിക്കുന്നത്. ഡവിഡ് കാച്ചപ്പിള്ളി പ്രൊഡക്ഷന്‍സ് അവതരിപ്പിച്ച്, കീര്‍ത്തന മൂവീസിന്റെ ബാനറില്‍ റെജി മോന്‍ നിര്‍മ്മിക്കുന്ന ഈ ചിത്രത്തിന്റെ കഥയും തിരക്കഥയും എഴുതിയിരിക്കുന്നത് അഭിലാഷ് എന്‍.ചന്ദ്രന്‍ ആണ്.

അജയ് ഡേവിഡ് കാച്ചപ്പിള്ളി കാമറ ചലിപ്പിക്കുന്ന ഈ ചിത്രത്തിന് സംഗീതം ഒരുക്കുന്നത് ജേക്സ് ബിജോയാണ്. ഈ ചിത്രം എഡിറ്റ് ചെയ്യുന്നത് ശ്യാം ശശിധരന്‍ ആണ്. ജോസഫ് എന്ന ചിത്രത്തിന് ശേഷം ജോജു നായകന്‍ ആയി എത്തുന്ന ചിത്രമാണ് പൊറിഞ്ചു മറിയം ജോസ്.

മോഹന്‍ലാല്‍ നായകനായ പൃഥ്വിരാജ് ചിത്രമായ ലുസിഫറില്‍ ആണ് നൈല ഉഷ അവസാനമായി അഭിനയിച്ചത്.

ലിജോ ജോസ് പെല്ലിശ്ശേരിയുടെ ജെല്ലിക്കെട്ട് എന്ന ചിത്രമാണ് ചെമ്പന്‍ വിനോദിന്റെ ഇനി റിലീസ് ചെയ്യാന്‍ ഉള്ള പ്രധാന ചിത്രം

ചാന്ദ് വി ക്രിയേഷന്‍സ് ആണ് പൊറിഞ്ചു മറിയം ജോസ് കേരളത്തില്‍ വിതരണം ചെയ്യുന്നത്.