Administrator
Administrator
മദ്യനയം അപൂര്‍ണമെന്ന് ലീഗ്
Administrator
Saturday 30th July 2011 1:41pm

മലപ്പുറം: സര്‍ക്കാരിന്റെ പുതിയ മദ്യനയത്തില്‍ മുസ്‌ലീം ലീഗിനും അതൃപ്തി. സര്‍ക്കാര്‍ പ്രഖ്യാപിച്ച മദ്യനയം അപൂര്‍ണമാണെന്ന് ലീഗ് ജനറല്‍ സെക്രട്ടറി കെ.പി.എ മജീദ് പറഞ്ഞു.

മദ്യശാലകളുടെ നിയന്ത്രണാവകാശം പഞ്ചായത്തുകളെ ഏല്‍പിക്കുന്ന വ്യവസ്ഥ പുനസ്ഥാപിക്കാത്തതിലാണ് ലീഗ് പ്രധാനമായും അതൃപ്തി രേഖപ്പെടുത്തുന്നത്. ബാറുകള്‍ നിര്‍ബാധം ലൈസന്‍സ് നല്‍കാനുള്ള സര്‍ക്കാര്‍ തീരുമാനത്തിലും ലീഗ് അതൃപ്തി അറിയിച്ചിട്ടുണ്ട്.

മദ്യനയത്തെക്കുറിച്ച് കൂടുതല്‍ ചര്‍ച്ചകള്‍ ആവശ്യമാണെന്നും കെ.പി.എ മജീദ് പറഞ്ഞു. കഴിഞ്ഞ ദിവസം കെപിസിസിയും മദ്യനയത്തില്‍ വിയോജിപ്പ് പ്രകടിപ്പിച്ചിരുന്നു.

Advertisement